कपडे फाडले, अंडी फेकली… ‘चोर चोर’च्या घोषणा देत अभिषेक बॅनर्जींना थोबडवले

तृणमूल कॉंग्रेसचे खासदार अभिषेक बॅनर्जी हे शनिवार, ३० मे रोजी पश्चिम बंगालमधील सोनारपूर दौऱ्यावर होते. निवडणुकीनंतरच्या हिंसाचारातील पीडितांच्या कुटुंबीयांना भेटण्यासाठी ते तिथे गेले होते. यावेळी त्यांच्यावर अंडी आणि दगडफेक करण्यात आली, तर भाजप कार्यकर्त्यांनी त्यांच्या विरोधात ‘चोर चोर’च्या घोषणा दिल्या. या गोंधळात सुरक्षा कर्मचाऱ्यांनी अभिषेक बॅनर्जी यांना हेल्मेट घालून संरक्षण दिले.

खासदार अभिषेक बॅनर्जी यांच्यावर स्थानिकांनी हल्ला केला. त्यांना मारहाण करण्यात आली आणि त्यांच्यावर दगडफेक करण्यात आली. हेल्मेट घालून त्यांना घटनास्थळावरून पळून जाण्यास भाग पाडले. याचा व्हिडीओ समोर आला असून या गोंधळात त्यांचा शर्ट फाडला. परिसरात तणाव वाढल्याने सुरक्षा कर्मचारी त्यांना घेरून घेऊन जात असल्याचे घटनास्थळावरील दृश्यांमध्ये दिसत होते.

घटनेनंतर प्रसारमाध्यमांशी बोलताना बॅनर्जी यांनी आरोप केला की, हा हल्ला भाजपने पुरस्कृत केला होता. “हे सर्व भाजप पुरस्कृत आहे. बघा त्यांनी काय केले आहे. हे त्यांचे लोकशाहीचे उदाहरण आहे. महिनाही उलटलेला नाही, आणि पोलीस कुठेच दिसत नाहीत,” असे ते म्हणाले. बॅनर्जी यांनी पुढे दावा केला की, हल्लेखोरांचा त्यांना ठार मारण्याचा हेतू होता आणि ही संपूर्ण घटना कॅमेऱ्यात कैद झाली आहे. आपण गंभीर दुखापतीतून थोडक्यात बचावलो, असा दावा करत बॅनर्जी म्हणाले, “माझे डोके कसेतरी वाचले; सुदैवाने, मी हेल्मेट घातले होते. त्यांनी माझे कपडे फाडले आहेत आणि माझा चष्मा फोडला आहे.”

हे ही वाचा:

बनावट सही प्रकरणी अभिषेक बॅनर्जींना सीआयडीचे समन्स

मॉस्को दौऱ्यावर अजित डोभाल; कोणत्या विषयांवर झाली चर्चा?

बकरी ईदनिमित्त बोलावून १७ वर्षीय हिंदू युवकावर केले चाकूने वार; तरुणाचा मृत्यू

आशिया- प्रशांत महासागरावर कोणतेही राष्ट्र वर्चस्व गाजवू शकत नाही!

निवडणुकीनंतरच्या हिंसाचारामुळे बाधित झालेल्यांच्या कुटुंबीयांना भेटण्यासाठी बॅनर्जी सोनारपूरला गेले असताना ही घटना घडली. माहितीनुसार, या दौऱ्यादरम्यान स्थानिकांनी तृणमूल खासदारांना विरोधही केला, तर आंदोलकांनी त्यांच्यावर अंडी आणि दगडफेक करून त्यांच्या विरोधात घोषणाबाजी केल्याचा आरोप आहे.