टोकियोत सुरू असलेल्या डेफलिंपिक्स २०२५ स्पर्धेत भारताचा शूटिंग स्टार माहित संधू सतत चमक दाखवत आहेत. ५० मीटर प्रोन इव्हेंटमध्ये माहितने रौप्य पदक जिंकत स्पर्धेतील आपले तिसरे पदक पटकावले.
क्वालिफिकेशन राऊंडमध्ये माहितने वर्ल्ड डेफ रेकॉर्ड मोडला आणि अंतिम फेरीत २४६.१ गुणांसह सिल्वर पदक जिंकले. अंतिम फेरीत त्यांचा सामना चेक रिपब्लिकच्या एलिस्का स्वोबोडोव्हा यांच्याशी झाला. स्वोबोडोव्हाने २४७.२ गुणांसह सुवर्ण पदक जिंकले. हंगरीच्या मीरा जुजाना बियातोव्स्की हिने २२५.० गुणांसह कांस्य मिळवला.
भारताची दुसरी शूटर नताशा जोशी शूट-ऑफनंतर आठव्या स्थानावर राहिली.
अंतिम फेरीत माहित १४ शॉट्सनंतर चौथ्या स्थानी होत्या. पुढील दोन शॉट्सनंतर त्यांनी कांस्य निश्चित केले आणि नंतरच्या मालिकेत ९.८ व १०.२ गुणांसह रौप्य पदकाच्या रेसमध्ये आगेकूच केली. शेवटी १०.० आणि १०.७ गुणांसह त्यांनी सामना पूर्ण केला. स्वोबोडोव्हाने शेवटचे दोन शॉट १० सेकंदात मारत गोल्ड जिंकले.
क्वालिफिकेशनमध्ये माहितने सहा सिरीज मिळून ६१९.७ गुणांचा नवा विश्वविक्रम केला. नताशा जोशीने ६११.६ गुणांसह सातवे स्थान मिळवत अंतिम फेरी गाठली.
टोकियो डेफलिंपिक्समध्ये भारताच्या शूटिंगमधील पदकांची संख्या आता १२ झाली आहे. त्यातील ३ पदकं माहित संधूची—
-
५० मीटर प्रोन: सिल्वर
-
१० मीटर मिक्स्ड टीम: गोल्ड
-
१० मीटर इंडिव्हिज्युअल: सिल्वर
