‘सरदारजी ३’ वाद: दिलजीत दोसांझच्या समर्थनार्थ भाजपा नेते मैदानात!

भाजप पंजाब कल्चर सेलचे संयोजक आणि अभिनेता हॉबी ढिल्लन यांनी चंदीगड येथे पत्रकार परिषदेत सांगितले की, “दिलजीत हा या मातीचा सुपुत्र आहे. पंजाब त्याच्यासोबत आहे आणि भारतही त्याच्यासोबत आहे. राजकीय कारणांसाठी त्याला लक्ष्य केले जात आहे, जे अत्यंत निषेधार्ह आहे.” ढिल्लन म्हणाले की, हा चित्रपट कायदेशीर चौकटीत बनवण्यात आला आहे आणि त्यात दिलजीतचे नाव अनावश्यकपणे ओढले जात आहे.

FWICE ने आपल्या पत्रात म्हटले आहे की, चित्रपटात पाकिस्तानी अभिनेत्री हानिया आमिरला कास्ट केल्याने भारतविरोधी भावनांना प्रोत्साहन मिळते आणि देशाच्या भावना दुखावल्या जातात. संघटनेने पंतप्रधानांकडे दिलजीतचे नागरिकत्व रद्द करण्याची मागणीही केली. तथापि, चित्रपटाचे निर्माते गुणबीर सिंग सिद्धू यांनी स्पष्ट केले की चित्रपटाचे चित्रीकरण खूप पूर्वीच पूर्ण झाले आहे आणि त्याचा पहलगाम हल्ल्याशी काहीही संबंध नाही. त्यांनी असेही म्हटले आहे की वादामुळे भारतात चित्रपटाचे प्रदर्शन पुढे ढकलण्यात आले आहे, ज्यामुळे सुमारे ४० टक्के उत्पन्नावर परिणाम झाला आहे.

.@diljitdosanjh is not just a celebrated artist—he's a national asset and a global ambassador of Indian culture. FWICE’s call to revoke his Indian citizenship over an inadvertent and pre-incident film shoot is not only unfair but shockingly disproportionate.

The film featuring a…

— RP Singh National Spokesperson BJP (@rpsinghkhalsa) June 27, 2025