मोदींच्या नेतृत्वात आरोग्यविषयक सुविधांचा विकास

केंद्रीय गृहमंत्री अमित शहा यांनी सोमवारी नागपूर येथील राष्ट्रीय कॅन्सर संस्थेत (नेशनल कॅन्सर इन्स्टिट्यूट) ‘स्वस्ति निवास’च्या भूमिपूजन केले. यावेळी बोलताना ते म्हणाले, पंतप्रधान नरेंद्र मोदींच्या नेतृत्वाखाली देशात आरोग्यविषयक पायाभूत सुविधांचा मोठ्या प्रमाणावर विकास झाला आहे. काही वर्षांपूर्वीपर्यंत कॅन्सरला एक दुर्धर रोग समजले जात होते. मात्र, गेल्या १५ वर्षांत देशभरात अनेक चांगली कॅन्सर उपचार केंद्रे स्थापन झाली, ज्यामुळे कॅन्सरवरील उपचार सामान्य जनतेसाठी अधिक सुलभ झाले.

नागपूरमधील राष्ट्रीय कॅन्सर संस्थेचे कौतुक करताना त्यांनी सांगितले, “मध्यप्रदेश, तेलंगणा, छत्तीसगड आणि महाराष्ट्रातील गरीब वर्गातील रुग्णांना या संस्थेचा मोठा लाभ होणार आहे, आणि त्यांना येथे उत्कृष्ट उपचार मिळणार आहेत. पंतप्रधान नरेंद्र मोदी यांच्या नेतृत्वातील भाजपा सरकारच्या कामगिरीचे कौतुक करत शहा म्हणाले, “गेल्या १० वर्षांत आरोग्य क्षेत्रात आमूलाग्र बदल घडवून आणला आहे. ४० वर्षांपूर्वी जर एखादा गरीब रुग्ण गंभीर आजाराने त्रस्त असेल, तर तो महागड्या उपचारांमुळे रुग्णालयात जाण्यासही घाबरायचा. मात्र, पंतप्रधान मोदींनी ६० टक्के गरीब लोकसंख्येसाठी ५ लाखांपर्यंत मोफत उपचार सुविधा दिली आहे, आणि राज्य सरकारांच्या सहकार्याने ती २५ लाखांपर्यंत वाढवली गेली आहे.

हेही वाचा..

हिंदमाताच्या तुमच्या निकृष्ट कामाची पोलखोल यापूर्वीच झालीये, मुंबईकरांना मुर्खात काढू नका!

नवव्या जागतिक ड्रोन परिषदेत बघा काय घडलं!

‘ऑपरेशन सिंदूर’नंतर सीमेवरील परिस्थिती काय ?

गद्दार ज्योती मल्होत्राला १४ दिवसांची न्यायालयीन कोठडी

शहा पुढे म्हणाले, “२०१४ पर्यंत देशात फक्त ७ एम्स अस्तित्वात होते, तर गेल्या ११ वर्षांत २३ नव्या एम्सची मंजुरी देण्यात आली. त्याचप्रमाणे, २०१४ मध्ये देशात ३८७ सरकारी वैद्यकीय महाविद्यालये होती, जी आता वाढून ७८० झाली आहेत. एमबीबीएस अभ्यासक्रमातील जागा ५१ हजार वरून आता १ लाख १८ हजार झाल्या असून, पीजी अभ्यासक्रमाच्या जागा ३१ हजार वरून ७४ हजार पर्यंत वाढल्या आहेत. केंद्र सरकारच्या या उपलब्ध्यांचा उल्लेख करत शहा यांनी काँग्रेसवर निशाणा साधला. ते म्हणाले, “काँग्रेसचे लोक काहीही बोलतात, हीच त्यांची संस्कृती आहे. मी काही बोललो की त्यांना त्रास होतो. पण पुन्हा सांगतो की, २०१३-१४ मध्ये मनमोहन सिंग यांच्या नेतृत्वाखालील काँग्रेस सरकारचा आरोग्य बजेट फक्त ३७ हजार कोटी रुपये होता. आज पंतप्रधान मोदींनी २०२५-२६ साठी संसदेत १ लाख ३५ हजार कोटी रुपयांचा आरोग्य बजेट सादर केला आहे. म्हणजेच १ लाख कोटी रुपयांची वाढ करण्यात आली आहे.”

शेवटी शहा म्हणाले, “मोदींच्या नेतृत्वाखाली देशातील आरोग्य पायाभूत सुविधा काँग्रेस सरकारच्या तुलनेत खूपच पुढे गेल्या आहेत.” कार्यक्रमाच्या सुरुवातीला महाराष्ट्राचे मुख्यमंत्री देवेंद्र फडणवीस यांनी भाषणात सांगितले, “२०२३ मध्ये राष्ट्रीय कॅन्सर संस्थेचे उद्घाटन झाले तेव्हा अमित शहा यांना यावे असे होते. पण काही कारणांमुळे ते येऊ शकले नाहीत. त्यांनी वचन दिले होते की पुढच्या वेळी ते नक्की येतील, आणि आज ते ‘स्वस्ति निवास’च्या भूमिपूजनासाठी आले आहेत.”

फडणवीस म्हणाले, “कॅन्सरवरील उपचार दीर्घकाळ चालत असल्यामुळे रुग्णांच्या नातेवाईकांना मोठ्या शहरात राहण्याची मोठी अडचण भासत होती. मी याआधी अनेक वेळा राष्ट्रीय कॅन्सर संस्थेला भेट दिली आहे आणि अनेक वेळा रुग्णांचे नातेवाईक लॉनवर झोपलेले पाहिले आहे, तेव्हा खूप दुःख झाले. या पार्श्वभूमीवर, रुग्णांच्या नातेवाईकांना उपचाराच्या काळात जवळच राहण्यासाठी ‘स्वस्ति निवास’ उभारले जात आहे. भविष्यात ही संस्था राष्ट्रीय स्तरावरील संशोधन केंद्र म्हणून विकसित केली जाईल.