भक्तांच्या वाहनाला अपघात; ३ ठार, ९ जखमी

कर्नाटकच्या चिक्कबल्लापूर जिल्ह्यातील तीन भाविकांचा एका भीषण रस्ते अपघातात मृत्यू झाला आहे, तर ९ जण गंभीर जखमी झाले असून त्यांच्यावर रुग्णालयात उपचार सुरू आहेत. हे सर्वजण तिरुपती येथील थिम्मप्पा मंदिराच्या दर्शनानंतर परत चिक्कबल्लापूरला जात होते. मिळालेल्या माहितीनुसार, हा अपघात आंध्र प्रदेशातील चित्तूर जिल्ह्यातील मदनपल्ले परिसरात झाला. चेन्नामरी मिट्टा (कुरुबलकोटा मंडळ) येथे एका अज्ञात वाहनाने टेंपो ट्रॅव्हलरला जोरदार धडक दिली.

टक्कर एवढी भीषण होती की टेंपो ट्रॅव्हलरचे अक्षरशः तुकडे तुकडे झाले. अपघातानंतर घटनास्थळी गोंधळाचे वातावरण निर्माण झाले. स्थानिक नागरिकांनी तत्काळ मदत करत जखमींना मदनपल्ले रुग्णालयात दाखल केले. घटनेची माहिती मिळताच पोलिस घटनास्थळी पोहोचले. अज्ञात वाहन चालक गाडी घेऊन फरार झाला आहे. पोलिसांनी त्याचा शोध सुरू केला आहे.

हेही वाचा..

मणिपूर: बंदूकधार्‍यांनी कारमधील चार जणांवर गोळ्या झाडल्या!

बीएसएफ, लष्कराकडून घुसखोरीचा प्रयत्न उधळला

पुण्याच्या लोणी स्टेशन परिसरात झळकले इराणच्या खामेनींचे बॅनर, झेंडे!

नेल्लई मंदिराच्या संपत्तीवरील अतिक्रमण हटवण्यासाठी समिती गठीत

या अपघातात मेघर्ष (१७), चरण (१७) आणि श्रावणी (२८) यांचा मृत्यू झाला. हे तिघेही बागेपल्ले तालुक्यातील होसाहुद्या गावचे रहिवासी होते. एका पोलीस अधिकाऱ्याने सांगितले की, “३ वेगवेगळ्या कुटुंबांचे एकूण १४ सदस्य टेंपो ट्रॅव्हलरमध्ये बसून तिरुमालामधून बागेपल्लीकडे जात होते. पहाटे ३ वाजता प्रवास सुरू झाला होता. दरम्यान, अन्नामय्या जिल्ह्यातील चेन्नामरी मिट्टा येथे एक अज्ञात वाहन त्यांच्या टेंपोला धडकले. यामुळे टेंपो पूर्णतः चिरडला गेला. सध्या पोलिस अधिक तपास करत असून, पलायन केलेल्या वाहनचालकाचा शोध घेण्यात येत आहे.