भारतातील कोविड-१९ रुग्णांची संख्या ५,००० च्या वर!

केंद्रीय आरोग्य मंत्रालयाने सकाळी ८ वाजता जाहीर केलेल्या आकडेवारीनुसार, शुक्रवारी सक्रिय रुग्णांची संख्या ५,३६४ वर पोहोचली आहे. गेल्या २४ तासांत, देशात ७६४ नवीन रुग्ण आणि चार मृत्यूची नोंद झाली आहे, ज्यामध्ये केरळमध्ये दोन आणि पंजाब आणि कर्नाटकमध्ये प्रत्येकी एकाचा समावेश आहे.

केरळ हे सर्वाधिक प्रभावित राज्य राहिले आहे, येथे एका दिवसात १९२ नवीन रुग्ण आढळले आहेत, त्यानंतर गुजरात (१०७), पश्चिम बंगाल (५८) आणि दिल्ली (३०) यांचा क्रमांक लागतो, ज्यामुळे देशभरात ४९८ नवीन रुग्णांची वाढ झाली आहे.

हे ही वाचा : 

महाराष्ट्रात कोरोनाचे ११४ नवीन रुग्ण आढळले आहेत.  या वर्षी जानेवारीपासून एकूण रुग्णांची संख्या १,२७६ झाली आहे. तर मृतांची संख्या १८ झाली आहे. पुणे (४४ रुग्ण) आणि मुंबई (३७ रुग्ण) येथे सर्वाधिक रुग्ण आढळले, त्यानंतर मीरा भाईंदर आणि पनवेलमध्ये प्रत्येकी सात रुग्ण आढळले आहेत.

दिल्लीत कोरोना संसर्गाचे ३० नवीन रुग्ण आढळले आहेत. दिल्लीत सक्रिय कोरोना रुग्णांची संख्या ५९२ वर पोहोचली आहे. १ जानेवारीपासून दिल्लीत कोरोनामुळे सात मृत्यूंची नोंद झाली आहे. गुरुवारपासून एकही नवीन मृत्यूची नोंद झालेली नाही. कोविड-१९ रुग्णांची वाढती संख्या लक्षात घेता केंद्राने सर्व राज्यांना ऑक्सिजन, आयसोलेशन बेड, व्हेंटिलेटर आणि आवश्यक औषधांची उपलब्धता सुनिश्चित करण्याचे निर्देश दिले आहेत.