‘ऑपरेशन सिंदूर’: शहर सोडा किंवा सुरक्षित ठिकाणी जा!

लाहोरमधील सध्याच्या परिस्थिती लक्षात घेता अमेरिकेने आपल्या नागरिकांसाठी एक महत्त्वाचा सल्ला जारी केला आहे. अमेरिकेने आपल्या नागरिकांना, राजदूतांना आणि अधिकाऱ्यांना जारी केलेल्या सूचनांमध्ये लाहोर आणि पंजाब प्रांत सोडण्याचे निर्देश दिले आहेत. अमेरिकेने आपल्या नागरिकांना शहर सोडण्यास किंवा सुरक्षित ठिकाणी जाण्यास सांगितले आहे.

“ड्रोन स्फोट, पाडलेले ड्रोन आणि लाहोर आणि आसपासच्या परिसरात संभाव्य हवाई हल्ल्यांमुळे अमेरिकेने पाकिस्तानच्या लाहोरमधील आपल्या सर्व वाणिज्य दूतावासातील कर्मचाऱ्यांना सुरक्षित ठिकाणी आश्रय घेण्याचे निर्देश दिले आहेत. “सक्रिय संघर्षाच्या क्षेत्रात” सापडलेल्या अमेरिकन नागरिकांना सुरक्षितपणे शक्य असल्यास तेथून निघून जाण्याचा सल्ला देण्यात आला आहे. जर ते निघून जाणे सुरक्षित नसेल तर त्यांनी सुरक्षित ठिकाणी राहावे, असे अमेरिकेने लाहोर आणि पाकिस्तानच्या पंजाब प्रांतातील आपल्या नागरिकांना सांगितले.

हे ही वाचा : 

दरम्यान, ७ आणि ८ मे च्या रात्री पाकिस्तानने भारतातील अवंतीपोरा, श्रीनगर, जम्मू, पठाणकोट, अमृतसर, कपूरथला, जालंधर, लुधियाना, आदमपूर, बठिंडा, चंदीगड, नाल, फलोदी, उत्तरलाई आणि भूज या १५ शहरांवर हल्ला करण्यासाठी अनेक क्षेपणास्त्रे डागली होती. मात्र, भारताच्या हवाई संरक्षण यंत्रणेने पाकिस्तानची सर्व क्षेपणास्त्रे हवेतच पाडली.