टेलिकॉम क्षेत्रामध्ये पारदर्शकता वाढवण्यासाठी आणि वापरकर्त्यांना सक्षम करण्यासाठी ट्रायने दिलेल्या आदेशानंतर, टेलिकॉम सेवा प्रदात्यांनी (टीएसपी) त्यांच्या वेबसाइटवर नेटवर्क कव्हरेज मॅप प्रकाशित केले आहेत. हे कव्हरेज मॅप्स स्टँडर्ड रंग योजनांसह सुलभ पोहोच आणि नेव्हिगेशनसाठी विविध यूजर-फ्रेंडली सुविधा प्रदान करतात.
या मॅप्सद्वारे संबंधित टेलिकॉम कंपनी त्यांच्या क्षेत्रात देत असलेल्या 2G, 3G, 4G किंवा 5G कव्हरेजची माहिती वापरकर्त्यांना मिळू शकते. संचार मंत्रालयानुसार, वापरकर्ते त्यांच्या डिव्हाइसवर सर्च पर्याय किंवा लोकेशन सक्षम करून त्यांच्या सध्याच्या स्थानाचा शोध घेऊ शकतात. टॉगल स्विच किंवा टेक्नोलॉजी सिलेक्शन बटन वापरून ते हवे असलेले (3G, 4G किंवा 5G) नेटवर्क कव्हरेज मॅप पाहू शकतात.
हेही वाचा..
सुरक्षा दलाला यश; मणिपूरमधील दोन जिल्ह्यांमधून शस्त्रसाठा जप्त
बाटलीत पेट्रोल न दिल्याने मॅनेजरला गोळ्या घातल्या!
तहव्वुर राणाला काय शिक्षा व्हावी ?
अरविंद सावंत, वर्षा गायकवाड गद्दार!
भारतीय दूरसंचार नियामक प्राधिकरण (ट्राय) ने सर्व टेलिकॉम कंपन्यांसाठी (वायरलेस) नेटवर्क कव्हरेज मॅप त्यांच्या वेबसाइटद्वारे उपलब्ध करून देणे अनिवार्य केले आहे, ज्यामुळे वापरकर्त्यांना नेटवर्क कव्हरेजविषयी अधिक माहिती मिळू शकेल. ट्रायच्या म्हणण्यानुसार, सर्व टेलिकॉम कंपन्यांना १ एप्रिल २०२५ पर्यंत हे कव्हरेज मॅप प्रकाशित करण्याचे काम पूर्ण करायचे आहे.
ट्रायने सांगितले की, मोबाइल वापरकर्ते कव्हरेज मॅपवर उपलब्ध असलेल्या ‘यूझर फीडबॅक’ फिचरद्वारे त्यांच्या सेवा प्रदात्यांना अभिप्राय देऊ शकतात किंवा कव्हरेजमधील कोणतीही मोठी विसंगती नोंदवू शकतात. तथापि, वापरकर्त्यांनी लक्षात ठेवावे की प्रत्यक्षात अनुभवलेले मोबाइल कव्हरेज काही वेळा मॅपमध्ये दर्शविलेल्या कव्हरेजपेक्षा वेगळे असू शकते.
मोबाइल नेटवर्क कव्हरेज मॅप्स हे केवळ ग्राहकांसाठी उपयुक्त नाहीत, तर देशभरातील टेलिकॉम कव्हरेजची स्थिती देखील दाखवतात, ज्याचा उपयोग विविध संबंधित पक्षांकडून योजना आखण्यासाठी आणि अंमलबजावणीसाठी केला जाऊ शकतो.
