“ज्यांचं मतदार बँकच जप्त झालंय, तेच मतं चोरीचं रडगाणं गातात,” अशा शब्दांत केंद्रीय दूरसंचार मंत्री ज्योतिरादित्य शिंदे यांनी काँग्रेस नेते राहुल गांधी यांच्यावर जोरदार टीका केली आहे.
लोकसभेतील विरोधी पक्षनेते राहुल गांधी यांनी गुरुवारी पत्रकार परिषद घेऊन आगामी निवडणुकांपूर्वी देशभरात वोटर डेटा चोरी व मतं हटवली जात आहेत असा आरोप केला होता. त्यावर प्रतिक्रिया देताना शिंदे म्हणाले की, “ज्यांना जनतेनेच नाकारलं आहे, त्यांना निवडणूक आयोग, यंत्रणा, सगळी व्यवस्था चुकीची वाटते.”
राहुल गांधींच्या आरोपांवर बोलताना शिंदे म्हणाले की, “ज्यांची राजकीय भांडवल संपली आहेत, तेच असा प्रकारचा प्रचार करत असतात.“
शिंदे आज भोपाल दौऱ्यावर असून त्यांनी भाजप प्रदेशाध्यक्ष हेमंत खंडेलवाल यांच्याशी भेट घेतली. दोघांमध्ये बंद दाराआड सुमारे तासभर चर्चा झाली. या बैठकीदरम्यान राज्य भाजपमधील कार्यकारिणी पुनर्रचनेच्या घडामोडींवर चर्चा झाल्याची शक्यता वर्तवली जात आहे.
भाजपमध्ये लवकरच जिल्हा व मंडल कार्यकारिण्यांचे पुनर्रचना होणार असून, अनेक नेते आपल्या समर्थकांना स्थान मिळवून देण्यासाठी सक्रिय झाले आहेत. त्यामुळे शिंदे-खंडेलवाल भेटीला विशेष राजकीय महत्त्व प्राप्त झाले आहे.
