गुरु गोविंदसिंग यांच्या सुपुत्रांचा बलिदान दिन आता ‘वीर बाल दिवस’

१७ व्या शतकात २६ डिसेंबर या दिवशी हौतात्म्य पत्करलेल्या गुरु गोविंद सिंग यांच्या सुपुत्रांच्या सर्वोच्च बलिदानाचा सन्मान करण्यासाठी २६ डिसेंबर हा दिवस ‘वीर बाल दिवस’ म्हणून पाळला जाईल, अशी घोषणा पंतप्रधान नरेंद्र मोदी यांनी आज केली.

श्रीगुरु गोविंद सिंग यांच्या प्रकाश पर्वनिमित्त ही घोषणा करण्यात आली. मोदींनी ट्विटमध्ये असे लिहिले आहे की, “आज, श्री गुरु गोविंद सिंग यांच्या प्रकाश परबच्या शुभ मुहूर्तावर, मला हे सांगताना आनंद होत आहे की या वर्षापासून २६ डिसेंबर हा दिवस ‘वीर बाल दिवस’ म्हणून साजरा केला जाईल. साहिबजादांच्या धैर्याला आणि त्यांच्या न्यायाच्या शोधासाठी ही योग्य श्रद्धांजली असेल. त्यांच्याबद्दल अधिक लोकांना जाणून घेणे ही काळाची गरज आहे.”

हे ही वाचा:

४०० पेक्षा अधिक संसद सदस्यांना कोरोनाचा संसर्ग

ब्युटी पार्लर, जीम मालकांच्या नाराजीनंतर सरकारची माघार

कौतुक करताना न थकणारे संजय राऊत ममतांवर रुसले!

अजबच! ‘भाजपाशी लढण्यासाठी निवडणूक आयोगाने आम्हाला मदत करावी’

साहिबजादा जोरावर सिंगजी आणि साहिबजादा फतेह सिंगजी या दोन महात्म्यांनी इस्लाम धर्म स्वीकारण्यापेक्षा मृत्यूला प्राधान्य दिले. यांचे शौर्य आणि आदर्श लाखो लोकांना शक्ती देतात. ते कधीही अन्यायापुढे झुकले नाहीत. त्यांनी सर्वसमावेशक आणि सामंजस्यपूर्ण जगाची कल्पना केली होती.

गुरु गोविंद सिंग जी हे शिखांचे दहावे गुरू आणि खालसा समाजाचे संस्थापक होते. श्री गुरु गोविंद सिंग यांचे पुत्र, साहिबजादा जोरावर सिंग जी आणि साहिबजादा फतेह सिंग जी, ज्यांना दोन साहेबजादे म्हणून ओळखले जाते.