वारी वर्षातून एकदा असते तर नमाज दिवसातून पाच वेळा असतो!

दरम्यान, आझमी यांच्या या विधानानंतर मुख्यमंत्री देवेंद्र फडणवीस यांनी प्रतिक्रिया देत म्हटले, आझमी हे नेहमीच वादग्रस्त विधाने करतात. वादग्रस्त विधाने केल्यावर प्रसिद्धी मिळते असे त्यांना वाटते. मात्र ते प्रसिद्धी देण्याच्या लायकीचे आहेत, असे मला वाटत नाही. त्यामुळेच मी यावर कोणतीही प्रतिक्रिया देणार नाही, असे फडणवीस म्हणाले.

हे ही वाचा : 

सोलापूरमध्ये पत्रकार परिषदेत बोलताना अबू आझमी म्हणाले, “मी कोणाचीही तक्रार करत नाही. आमच्या हिंदू बांधवांच्या पावलासोबत पाऊल टाकत चालत असतो. आजवर कधीही एकाही मुसलमानाने ही तक्रार केली नाही की रस्त्यावर सण का साजरे केले जातात?. पण जर कधी नमाजसाठी मशीद भरुन जाते तिथे नमाज अदा करायला जागा राहत नाही तेव्हा लोक नाईलाजाने काही मशिदींबाहेर बाहेर पाच-दहा मिनिटांसाठी नमाज पठणासाठी येतात, प्रत्येक मशीदीबाहेर नाही.

पण त्यासाठी उत्तर प्रदेशचे मुख्यमंत्री म्हणतात की, जर तुम्ही बाहेर रस्त्यावर नमाज पठण केले तर तुमचा पासपोर्ट आणि वाहन परवाना देखील रद्द केला जाईल. मी पुण्यावरुन येत होतो मला सांगण्यात आके की या मार्गावरुन पालखी जाणार आहे, आपण लवकर गेले पाहिजे नाहीतर रस्ता जाम होऊन जाईल. म्हणजे रस्ता बंद तर होतोय, याला आम्ही कधीही विरोध नाही केला. पण आमच्या नमाजवेळी मात्र जाणूनबुझून वाद निर्माण केले जातात. म्हणजेच या देशात मुसलमानांना त्रास दिला जात आहे.