गुजरातच्या सुरतमध्ये एक धक्कादायक घटना घडली आहे. एकाच कुटुंबातल्या सात सदस्यांनी आत्महत्या केल्याची बाब समोर आली आहे. या घटनेची माहिती मिळताच पोलीस घटनास्थळी पोहचले आहेत. एकाच वेळी अनेक मृत्यू झाल्याने संपूर्ण परिसरात घबराट पसरली आहे.
या प्रकरणी झोन ५ चे डीसीपी राकेश बारोट यांनी म्हटलं आहे की, सिद्धेश्वर अपार्टमेंटमध्ये पहिल्या मजल्यावर राहणाऱ्या सोलंकी परिवारात सात लोक राहात होते. त्यांनी आपलं आयुष्य संपवलं आहे. या सात जणांमध्ये तीन लहान मुलांचा समावेश आहे.
कनुभाई सोलंकी आणि त्यांचे कुटुंब या घरात राहात होते. कनुभाई यांचा मुलगा मनिषचा मृतदेह पंख्याला लटकलेल्या अवस्थेत होता. तर कनुभाई, त्यांची पत्नी शोभनाबेन, मनिषची पत्नी रीटा, मनिषच्या १० आणि १३ वर्षांच्या मुली दिशा आणि काव्या तर मुलगा कुशल यांचे मृतदेह अंथरुणावर पडलेल्या अवस्थेत मिळाले, अशे अशी माहिती समोर आली आहे.
हे ही वाचा:
गाझामधील युद्धविरामाच्या प्रस्तावाला पाठिंबा देण्यास भारताचा नकार
मुकेश अंबानींना जीवे मारण्याची धमकी
ललित पाटील प्रकरणात ठाकरे गटाच्या नेत्याचा जबाब नोंदवला
पूर्वीचे सरकार मोबाईलसारखे हँग; २०१४ नंतर लोकांनी ‘आऊटडेटेड’ मोबाईल सोडले!
मनिष सोलंकी हे इंटिरियर डेकोरेशन आणि फर्निचरचं काम करत होते. सोलंकी यांच्या घरात सुसाइड नोट आणि रिकामी बाटली मिळाली आहे. या सगळ्यांनी विष पिऊन आत्महत्या केली असावी असा प्राथमिक अंदाज आहे. सुसाइड नोटमध्ये हे लिहिण्यात आलं आहे उधारी चुकवता न आल्याने हे पाऊल उचललं आहे. आर्थिक चणचणीमुळे या कुटुंबाने आत्महत्या केली असं पोलिसांनी स्पष्ट केलं आहे. हे सगळे मृतदेह आता शवविच्छेदनासाठी पाठवण्यात आले आहेत. ‘एएनआय’ने या विषयीचं वृत्त दिलं आहे.
