ओडिशातील १३ व्या शतकातील शिव मंदिरातून २२ दुर्मीळ मूर्ती चोरीला गेल्या आहेत. खुर्द जिल्ह्यातील बानपूर मधील दक्ष प्रजापती मंदिरात हा प्रकार घडला. चोरी झालेल्या मूर्तींची बाजारात कोटींची किंमत असून यातील काही मूर्ती या अष्टधातूंच्या आहेत.
२३ तारखेला मंदिराचे पुजाऱ्यांच्या चोरीची गोष्ट लक्षात आली. सकाळी मंदिर परिसरात गेल्यावर मंदिराचे दरवाजे फोडलेले दिसले आणि ३१ पैकी २२ मूर्ती गायब होत्या. संबंधित घटने बाबत त्वरित पोलिसांना कळवण्यात आले. चोरी झालेल्या मूर्तींमध्ये कनक दुर्गा, भगवान गोपीनाथ, कलियुगेश्वर देव, चंद्रशेखर देव अशा देवतांच्या मूर्ती आहेत.
दक्ष प्रजापती मंदिरात चोरीची ही पाहिलीच वेळ नाही. यापूर्वीही दोन वेळा अशा घटना घडल्या आहेत.
