ब्रिटनमध्ये एका ट्रेनमध्ये चाकू हल्ल्याच्या प्रकरणात अनेक व्यक्तींना रुग्णालयात दाखल करण्यात आले असून पोलिसांनी दोन संशयितांना अटक केली आहे.
ब्रिटीश ट्रान्सपोर्ट पोलिसांनी शनिवारी एक्सवर ही माहिती दिली. त्यांनी म्हटले, आम्ही सध्या हंटिंग्डनकडे जाणाऱ्या ट्रेनवरील घटनेला प्रतिसाद देत आहोत, जिथे अनेक लोकांना चाकूने भोसकण्यात आले आहे.दोन जणांना अटक करण्यात आली आहे.
कॅम्ब्रिजशायर पोलिसांनी स्वतंत्र निवेदनात सांगितले की त्यांना GMT 19:39 वाजता ट्रेनमध्ये अनेक लोकांना चाकूने भोसकल्याच्या तक्रारी मिळाल्या. शस्त्रधारी पोलिसांनी त्वरित धाव घेतली आणि ट्रेन हंटिंग्डन येथे थांबवून दोन पुरुषांना अटक करण्यात आली. अनेक व्यक्तींना रुग्णालयात नेण्यात आले आहे.”
ईस्ट ऑफ इंग्लंड ॲम्ब्युलन्स सेवेनुसार, त्यांनी मोठ्या पातळीवर आपत्कालीन प्रतिसाद दिला, ज्यात अनेक ॲम्ब्युलन्स, क्रिटिकल केअर टीम आणि तीन एअर ॲम्ब्युलन्स यांचा समावेश होता.
हे ही वाचा:
ईपीएफओ सामाजिक सुरक्षेचा व्याप वाढवण्यात महत्त्वाची भूमिका बजावतेय
चांगली झोप येण्यासाठी ‘आल्याचे पाणी’ उपयुक्त
सत्याचा मोर्चा ही जनतेची दिशाभूल
आदिवासी वीर नायकांच्या जीवनकथा, लढायांचे आता डिजिटल दर्शन
एका प्रत्यक्षदर्शीने द टाइम्सला सांगितले की त्याने मोठ्या चाकूसह एक व्यक्ती पाहिली, आणि “सगळीकडे रक्तच रक्त होते”, लोक वॉशरूममध्ये लपले. काहीजण पळताना इतरांच्या पायाखाली तुडवले जात होते.
पंतप्रधान स्टार्मर यांची प्रतिक्रिया
यूकेचे पंतप्रधान कीअर स्टार्मर म्हणाले, ही घटना अत्यंत भयंकर आणि चिंताजनक आहे. प्रभावित सर्वांसोबत माझ्या भावना आहेत आणि तात्काळ प्रतिसाद देणाऱ्या सेवांचे आभार.”
ट्रेन सेवा ठप्प
लंडन नॉर्थ ईस्टर्न रेल्वेने सांगितले की, हा हल्ला त्यांच्या ट्रेनमध्ये झाला असून हंटिंग्डन स्टेशनवर संपूर्ण रेल्वे लाईन तात्पुरती बंद करण्यात आली.
कंपनीने प्रवाशांना प्रवास टाळण्याचे आवाहन केले आणि “मोठा व्यत्यय” असल्याचे सांगितले.
वाढता चाकू गुन्हेगारीचा प्रश्न
इंग्लंड आणि वेल्समध्ये २०११ पासून चाकू गुन्हेगारी वाढत आहे.
ब्रिटनमध्ये बंदुकींच्या नियंत्रणाचे कठोर कायदे असले तरी चाकू गुन्हेगारी ‘राष्ट्रीय संकट’ असल्याचा स्टार्मर यांचा इशारा.
मागील वर्षात सुमारे ६० हजार चाकू जप्त किंवा जमा.
चाकू बाळगण्यास जास्तीत जास्त ४ वर्षांचा तुरुंगवास.
मागील वर्षात चाकूने खून करण्याचे प्रमाण १८% नी कमी झाले असल्याचा सरकारचा दावा.
ऑक्टोबरमध्ये मॅंचेस्टरमधील सिनेगॉगवर चाकू हल्ल्यात दोन लोक ठार झाले . एक जण चुकून पोलिसांच्या गोळीबारामुळे मारला गेला.
