फाजील स्तुती करणे हा जर ऑलिंपिक खेळ असता, तर पाकिस्तानचे पंतप्रधान शेहबाज शरीफ व्यासपीठावर आघाडीवर उभे राहिले असते आणि सुवर्णपदक त्यांच्या हातात असते. अशी खोचक टीका अमेरिकेतील माजी पाकिस्तानी राजदूत हुसेन हक्कानी यांनी शेहबाज शरीफ यांच्यावर केली आहे. डोनाल्ड ट्रम्प यांच्याबद्दल शरीफ यांनी केलेल्या कौतुकाच्या ताज्या पोस्टवर प्रतिक्रिया देताना, हक्कानी यांनी टीका करताना एक मार्मिक अशी भाषा वापरत टीकास्त्र डागले आहे.
“ट्रम्प यांची स्तुती करण्याचा ऑलिंपिक खेळ असल्यास पाकिस्तानचे पंतप्रधान अजूनही सुवर्णपदकासाठी आघाडीवर आहेत,” असे हक्कानी यांनी म्हटले आहे. त्यांनी शरीफ यांनी अमेरिकन राष्ट्राध्यक्षांची वारंवार प्रशंसा केल्याची खिल्ली उडवली. कंबोडिया आणि थायलंड दरम्यान नव्याने स्वाक्षरी झालेल्या क्वालालंपूर शांतता करारासह आंतरराष्ट्रीय करारांच्या मालिकेद्वारे जागतिक शांतता प्रस्थापित करण्यात महत्त्वाची भूमिका बजावल्याबद्दल ट्रम्प यांचे शरीफ यांनी कौतुक केल्यानंतर हक्कानी यांनी ही टीका केली.
शांतता आणि राजनैतिकतेसाठी आणखी एक ऐतिहासिक दिवस! असे शरीफ यांनी एक्सवर पोस्ट केले. केएल करार, गाझा शांतता योजनेद्वारे शांतता प्रस्थापित करण्यात आणि मध्य पूर्व आणि दक्षिण आशियामध्ये शांतता आणि स्थैर्यासाठी त्यांच्या दृढ प्रयत्नांद्वारे जगभरातील लाखो लोकांचे जीव वाचवण्यात राष्ट्राध्यक्ष डोनाल्ड ट्रम्प यांच्या महत्त्वपूर्ण भूमिकेबद्दल मी त्यांचे मनापासून आभार मानतो. शरीफ यांनी करारावर स्वाक्षरी केल्याबद्दल कंबोडिया आणि थायलंडचे अभिनंदन केले आणि मलेशियाचे पंतप्रधान अन्वर इब्राहिम यांनी या प्रदेशात शांतता आणि सौहार्दासाठी अथक प्रयत्न केल्याबद्दल त्यांचे कौतुक केले.
हे ही वाचा :
“भारतासोबत खूप मोठी चूक करतोय” अमेरिकेच्या माजी वाणिज्य सचिवांनी असे का म्हटले?
राहुल गांधी तुम्ही बिहारचा अपमान करणे थांबवा, कोलंबियाला परत जा आणि सुट्ट्या साजऱ्या करा!
सी. पी. राधाकृष्णन यांची सेशेल्सच्या राष्ट्राध्यक्षांशी भेट
इंदूरहून धार्मिक पर्यटनासाठी धावणार ‘भारत गौरव’ रेल्वे
या महिन्याच्या सुरुवातीला, इजिप्तमधील शांतता परिषदेत, पाकिस्तानी पंतप्रधानांनी ट्रम्प यांना शांततेसाठी प्रयत्न करणारे व्यक्ती म्हटले आणि पाकिस्तानने एकदा त्यांचे नोबेल शांतता पुरस्कारासाठी नामांकन केले होते याची आठवणही करून दिली. “मला खरोखर वाटते की ते शांतता पुरस्कारासाठी सर्वात प्रामाणिक आणि सर्वात अद्भुत उमेदवार आहेत कारण त्यांनी दक्षिण आशियात शांतता आणली आहे, लाखो लोकांचे प्राण वाचवले आहेत,” असे शरीफ म्हणाले होते. त्यांनी ट्रम्प यांना एक महान राष्ट्रपती म्हटले होते आणि त्यांच्या नेतृत्वाचे कौतुक केले होते.
