इंदूरहून धार्मिक पर्यटनासाठी धावणार ‘भारत गौरव’ रेल्वे

धार्मिक स्थळांच्या दर्शनाची इच्छा असणाऱ्या पर्यटकांसाठी आनंदाची बातमी आहे. मध्य प्रदेशातील व्यापारी नगरी इंदूरहून येत्या नोव्हेंबर महिन्यात ‘भारत गौरव’ पर्यटक रेल्वे धावणार आहे. या रेल्वेद्वारे प्रवासी दोन ज्योतिर्लिंगांसह अनेक प्रमुख धार्मिक स्थळांची यात्रा करू शकतील. माहितीनुसार, मध्य प्रदेशातील तीर्थयात्रेकरूंकरिता इंडियन रेल्वे कॅटरिंग अँड टुरिझम कॉर्पोरेशन लिमिटेड (IRCTC) तर्फे या रेल्वेचे आयोजन करण्यात आले आहे. ही रेल्वे 4 नोव्हेंबर रोजी इंदूरहून पुरी, गंगासागर तसेच दोन ज्योतिर्लिंग, बाबा वैद्यनाथ आणि काशी विश्वनाथ यांच्या दर्शनासाठी रवाना होईल.

ही रेल्वे इंदूर, उज्जैन, शुजालपूर, सीहोर, संत हिरदाराम नगर, बीना, सागर, दमोह आणि कटनी मुरवारा या स्थानकांवरून प्रवाशांना घेईल. ११ दिवसांच्या या यात्रेत पुरी, गंगासागर, गया, वाराणसी आणि अयोध्या येथील प्रमुख दर्शनीय व धार्मिक स्थळांचे दर्शन घडवले जाईल. प्रवाशांसाठी या यात्रेचा खर्च पुढीलप्रमाणे ठरवण्यात आला आहे. ₹१९,९०० प्रति व्यक्ती (स्लीपर इकोनॉमी वर्ग, ₹३२,४५० प्रति व्यक्ती (थर्ड एसी स्टँडर्ड वर्ग), ₹४२,७५० प्रति व्यक्ती (सेकंड एसी कम्फर्ट वर्ग).

हेही वाचा..

‘अस्लम’ कृपेने मुंबईत वसवला जातोय ढाका…

भारताचा ‘दुश्मन’ जाकिर नाईकला स्वीकारायला बांगलादेश सज्ज

भारताला मोठा धक्का! महिला विश्वकप उपांत्य फेरीतून प्रतिका रावल बाहेर

छत्रपती शिवरायांच्या भूमीतून भारताच्या सागरी सामर्थ्याच्या नव्या प्रवासाची सुरुवात!

‘भारत गौरव’ रेल्वेच्या विशेष LHB कोचेसमध्ये आरामदायी रेल्वे प्रवासाची सुविधा उपलब्ध असेल. यात्रेत रेल्वेतील आणि रेल्वेबाहेरील भोजन, दर्जेदार बसद्वारे स्थळदर्शन, निवासव्यवस्था, टूर एस्कॉर्ट्स, प्रवास विमा, सुरक्षा आणि हाऊसकीपिंग या सर्व सुविधा समाविष्ट आहेत. देशभरातील धार्मिक आणि पर्यटन स्थळांपर्यंत प्रवाशांना उत्तम प्रवाससेवा देण्यासाठी IRCTC तर्फे अशा अनेक ‘भारत गौरव’ रेल्व्या चालवल्या जात आहेत. इंदूरहून यापूर्वीही देशव्यापी यात्रांसाठी विशेष रेल्व्या सुटल्या आहेत. त्या परंपरेतच ही नवी रेल्वे नोव्हेंबर महिन्यात धार्मिक यात्रेसाठी निघणार आहे.