देशाच्या संसदीय राजकारणात गेल्या काही घडामोडींमुळे महत्त्वपूर्ण बदल समोर आले आहेत. राज्यसभा सचिवालयाने सोमवारी जारी केलेल्या माहितीनुसार, आम आदमी पार्टीचे सात माजी नेते आता अधिकृतपणे भारतीय जनता पार्टीचे राज्यसभा खासदार म्हणून नोंदवले गेले आहेत.
लक्षात घेण्यासारखी बाब म्हणजे राघव चढ्ढा यांच्यासह राज्यसभेतील सात खासदारांनी आम आदमी पार्टी सोडून भाजपमध्ये प्रवेश करण्याचा निर्णय घेतला होता. आता राज्यसभेने सभागृहातील पक्षनिहाय स्थिती जाहीर केली आहे. २४ एप्रिल २०२६ पर्यंतच्या आकडेवारीनुसार, भाजप खासदारांची संख्या ११३ झाली असून, आम आदमी पार्टीचे खासदार १० वरून घटून फक्त ३ झाले आहेत.
राज्यसभा सचिवालयाने जारी केलेल्या यादीनुसार डॉ. अशोक कुमार मित्तल, राघव चढ्ढा, हरभजन सिंग, संदीप कुमार पाठक, विक्रमजीत सिंह साहनी, स्वाती मालिवाल आणि राजिंदर गुप्ता यांची नावे भाजप खासदारांच्या यादीत समाविष्ट झाली आहेत. यामुळे राज्यसभेत भाजपची ताकद वाढून ११३ वर पोहोचली असून त्यांची स्थिती अधिक मजबूत झाली आहे.
हे ही वाचा:
आत्मनिर्भर भारताला बुस्ट! बुलेट ट्रेनचे कोच देशातच होणार विकसित
लष्कर-ए-तैयबाचा कमांडर शेख युसुफ अफरीदीची अज्ञातांकडून गोळ्या झाडून हत्या
प. बंगाल निवडणुकांवर अमेरिकेत २० लाख डॉलर्सचा सट्टा
सनातनी गौतम खट्टर यांना गोवा सरकारकडून अटक; वकील विष्णू जैन संतापले
या ‘पार्टी पोजिशन’ दस्तऐवजानुसार भारतीय जनता पार्टी ११३ सदस्यांसह सर्वात मोठा पक्ष आहे. मुख्य विरोधी पक्ष राष्ट्रीय काँग्रेस २९ खासदारांसह दुसऱ्या स्थानावर आहे. तृणमूल काँग्रेसकडे १३ राज्यसभा सदस्य आहेत, तर तामिळनाडूच्या डीएमकेचे ८ खासदार आहेत।
याशिवाय वायएसआर काँग्रेसचे ७ आणि बिजू जनता दलाचे ६ सदस्य यादीत आहेत. या यादीतील सर्वात मोठा बदल म्हणजे आम आदमी पार्टीचे फक्त ३ खासदार उरले आहेत. आम आदमी पार्टीसाठी हा धक्का मानला जात आहे. इतर पक्षांमध्ये एआयडीएमकेचे ५ सदस्य, तर जनता दल (यु), समाजवाजी पार्टी आणि राष्ट्रवादी काँग्रेसचे प्रत्येकी ४ सदस्य राज्यसभेत आहेत.
तसेच राष्ट्रीय जनता दल, भारत राष्ट्र समिती, कम्युनिस्ट पार्टी (मार्क्सवादी), जम्मू काश्मीर नॅशनल कॉन्फरन्स यांचे प्रत्येकी ३ सदस्य आहेत. झारखंड मुक्ती मोर्चा आणि भारतीय कम्युनिस्ट पार्टीचे प्रत्येकी २ सदस्य आहेत. काही लहान पक्षांचे आणि प्रादेशिक पक्षांचे प्रत्येकी एक सदस्य असून ३ अपक्ष खासदारही राज्यसभेचा भाग आहेत.
नामनिर्देशित सदस्यांची संख्या ७ आहे. राज्यसभेची ही ताजी यादी उच्च सभागृहातील बदलते राजकीय समीकरण स्पष्टपणे दाखवते. विशेषतः ‘आप’च्या माजी नेत्यांचा भाजपमध्ये समावेश होणे, येणाऱ्या काळात राष्ट्रीय राजकारणावर प्रभाव टाकू शकते आणि संसदेमधील शक्ती संतुलन नव्याने ठरवू शकते.
