राज्याचे पावसाळी अधिवेशन सुरू असून आज अधिवेशनाचा पाचवा दिवस आहे. दरम्यान, आज विधानभवनाच्या पायऱ्यांवर सत्ताधारी पक्षांकडून आंदोलन सुरू होते. यावेळी उद्धव ठाकरेंवर निशाणा साधण्यात आला.
“कोविडच्या भितीने राजा बसला घरी, हवालदिल जनता फिरली दारोदारी, युवराजांच्या चेल्यांनी लुटली तिजोरी, भ्रष्टाचाराचे खोके पोहचले त्यांच्या घरोघरी” अशा ओळी असलेले फलक घेऊन सत्ताधारी घोषणाबाजी करत होते. यावेळी शिवसेना आणि भाजपा दोन्ही पक्षाचे आमदार उपस्थित होते.
“सचिन वाजेचे खोके मातोश्री ओके. लावासाचे खोके बारामती ओके. अनिल देशमुखचे खोके सिल्व्हर ओक ओके” अशी घोषणाबाजी देखील करण्यात आली. यादरम्यान, अचानक विरोधक आमदारही पायऱ्यांजवळ पोहचले आणि त्यांनी घोषणाबाजी करायला सुरुवात केली. पुढे शाब्दिक चकमक सुरू झाली आणि धक्काबुक्की देखील झाली. यानंतर विरोधी पक्षनेते अजित पवार हे घटनास्थळी आले आणि त्यांनी मध्यस्ती करत त्यांच्या आमदारांना आतमध्ये नेले.
हे ही वाचा:
प्रज्ञानंद प्रार्थना करून बुद्धिबळ खेळयला करतो सुरुवात
नौशेरामधून लष्कर-ए-तोयबाच्या दोन दहशतवाद्यांना अटक
दिल्ली, उत्तरप्रदेशात हल्ल्याच्या तयारीत असलेल्या दहशतवाद्याच्या पुण्यातून आवळल्या मुसक्या
पाकिस्तानात ब्राह्मोस पडल्याप्रकरणी तीन अधिकारी बडतर्फ
यापूर्वी चार दिवस विरोधक पायऱ्यांवर घोषणाबाजी करत होते. मात्र, आज चित्र पालटले होते आणि विरोधकांच्या जागी सत्ताधारी घोषणाबाजी करताना दिसत होते. विरोधक घोषणा करत असताना असे घडले नव्हते पण आता सत्ताधाऱ्यांनी केलेल्या घोषणा विरोधकांना झोबल्या असाव्यात.
