२६/११ नंतर ‘लष्कर’ मुख्यालयावर हल्ला न करून काँग्रेसने केला विश्वासघात

भाजपाने गुरुवारी काँग्रेसवर जोरदार टीका केली आणि आरोप केला की काँग्रेसने अनेकदा देशाच्या सुरक्षेच्या बाबतीत तडजोड केली आहे. यामध्ये २६/११ च्या मुंबई दहशतवादी हल्ल्याचा विशेष उल्लेख करण्यात आला.

भाजपाचे राष्ट्रीय प्रवक्ते प्रदीप भंडारी यांनी ‘एक्स’ (पूर्वीचा ट्विटर) वर पोस्ट करत सांगितले की, “२६/११ नंतर काँग्रेसकडे पाकिस्तानमधील मुरीदके येथील लष्कर-ए-तोयबा (LeT) मुख्यालयावर थेट हल्ला करण्याची संधी होती, पण सोनिया गांधी आणि राहुल गांधी यांच्यामुळे तो निर्णय घेण्यात आला नाही.”

भंडारींनी त्यांच्या दाव्याला बळकटी देण्यासाठी माजी परराष्ट्र सचिव शिवशंकर मेनन यांच्या ‘Choices: Inside the Making of India’s Foreign Policy’ या पुस्तकातील काही उतारे शेअर केले. या पुस्तकात मेनन यांनी लिहिलं आहे की, २६/११ च्या हल्ल्यानंतर सरकारमध्ये अनेक अनौपचारिक चर्चा झाल्या. त्या काळचे राष्ट्रीय सुरक्षा सल्लागार एम.के. नारायणन यांनी लष्करी आणि अन्य पर्यायांवर विचार केला होता. लष्करप्रमुखांनी पंतप्रधानांना आपली मते सादर केली होती. परराष्ट्र मंत्री प्रणब मुखर्जीही कारवाईच्या बाजूने होते.

मेनन यांनी स्पष्ट केलं की, “मी परराष्ट्र सचिव म्हणून पाकिस्तानवर थेट हल्ला करून आंतरराष्ट्रीय स्तरावर भारताचं बळ सिद्ध करणं गरजेचं असल्याचं मत मांडलं होतं. खासकरून मुरीदकेतील लष्कर मुख्यालय किंवा पीओकेतील दहशतवादी कॅम्प्सवर.”

हे ही वाचा:

‘ताम्रजल’ ने करा दिवसाची सुरुवात, ठेवते हृदयाचे आरोग्य

‘हेरगिरी’ केल्याच्या आरोपाखाली काँग्रेस नेत्याच्या माजी सहकाऱ्याला अटक!

मातोश्रीची सून सायबा सून

नमाजापूर्वी ब्राह्मोस पाकिस्तानी तळांवर धडकली !

प्रदीप भंडारी म्हणाले, “प्रणब मुखर्जी यांच्या आग्रहानंतरही सोनिया गांधी आणि राहुल गांधी यांच्या नेतृत्वाखालील यूपीए सरकारने कोणतीही कारवाई केली नाही. हा देशाला धोका देण्याचं प्रमुख उदाहरण आहे.”

काँग्रेसचा इतिहास देशविरोधी निर्णयांनी भरलेला

भंडारींनी दावा केला की, काँग्रेस आणि गांधी कुटुंबाने वारंवार पाकिस्तानच्या बाजूने भूमिका घेतली आहे. काही उदाहरणं:

• इंदिरा गांधी १९७४ मध्ये ‘स्मायलिंग बुद्धा’ अणुचाचणीनंतर केवळ दोन महिन्यांत पाकिस्तानसोबत अणुतंत्रज्ञान शेअर करण्यास तयार होत्या.

• राजीव गांधी अणुशस्त्रांच्या नष्टीकरणावर भर देत होते, जेव्हा चीन आणि पाकिस्तान अणुअस्त्रे साठवत होते.

• नेहरूंनी भारताला अणु पुरवठादार गटात (NSG) सामील होण्यापासून परावृत्त केलं, ज्यामुळे भारताला जागतिक मदत आणि अणु साहित्य मिळालं नाही.

भंडारी म्हणाले, “गांधी- वाड्रा कुटुंबाची परंपरा भारताच्या राष्ट्रीय सुरक्षेशी सतत तडजोड करण्याची आहे.”