29 C
Mumbai
Sunday, November 22, 2026
घरराजकारणआता सनातन धर्माच्या उत्थानाबाबत शंका नको !

आता सनातन धर्माच्या उत्थानाबाबत शंका नको !

सरसंघचालक मोहन भागवतांचे प्रतिपादन

Google News Follow

राष्ट्रीय स्वयंसेवक संघाचे सरसंघचालक मोहन भागवत यांनी सनातन धर्माच्या भविष्याबाबत महत्त्वपूर्ण विधान केले आहे. सुमारे २० वर्षांपूर्वी सनातन धर्माचे अस्तित्व टिकेल की नाही, भविष्यात त्याचे काय होईल, याबाबत समाजात चिंता आणि शंका व्यक्त केल्या जात होत्या. मात्र, गेल्या काही वर्षांतील सातत्यपूर्ण प्रयत्न, मेहनत आणि समर्पणामुळे आता सनातन धर्माच्या उत्थानाबाबत कोणतीही शंका बाळगण्याची गरज नाही, असे त्यांनी स्पष्ट केले. उत्तराखंडमधील हरिद्वार येथे २१ नोव्हेंबर रोजी आयोजित अखिल विश्व गायत्री परिवाराच्या संस्थापिका भगवती देवी शर्मा यांच्या जन्मशताब्दी सोहळ्यात ते बोलत होते.

या कार्यक्रमात बोलताना भागवत यांनी प्रतिकूल परिस्थितीला घाबरण्याऐवजी आत्मविश्वास आणि संकल्पाने पुढे जाण्याचे आवाहन केले. परिस्थिती पाहून माणसाच्या मनात भीती निर्माण होते, असे अनेकांना वाटते. मात्र, प्रत्यक्षात मनात भीती असेल तरच परिस्थिती भयानक वाटते. मनामध्ये दृढ संकल्प आणि उत्साह असेल तर कोणत्याही आव्हानाला सामोरे जाण्याची ताकद मिळते, असे ते म्हणाले. सनातन धर्माचे उत्थान आता निश्चित असून त्याबाबत चिंता करण्याची आवश्यकता नाही, असा विश्वासही त्यांनी व्यक्त केला.
हे ही वाचा:
प्रसादाच्या नावाखाली चिक्की खायला देत दांपत्याला लुटले

मक्यापासून इथेनॉल निर्मितीमुळे शेतकऱ्यांचे उत्पन्न वाढले

मोदींना सोन्याच्या घसरगुंडीचा दृष्टांत झाला होता का?

कोटा अपघातावर पंतप्रधान मोदींनी व्यक्त केले दुःख

सनातन संस्कृतीचे महत्त्व अधोरेखित करताना भागवत म्हणाले की, आज जग अनेक प्रकारच्या समस्यांचा सामना करत आहे. या समस्यांवर उपाय शोधण्यासाठी संपूर्ण जगाचे लक्ष भारताकडे लागले आहे. भारतीय संस्कृती आणि सनातन विचारांमध्ये मानवतेला दिशा देण्याची क्षमता आहे. भगवान स्वतः प्रत्येक कार्यासाठी पुढे येत नाहीत, तर योग्य व्यक्ती आणि संघटनांकडे त्या कार्याची जबाबदारी सोपवतात. यावेळी त्यांनी कार्यकर्त्यांना हनुमानाप्रमाणे सेवाभाव, समर्पण आणि प्रसिद्धीची अपेक्षा न ठेवता काम करण्याचा संदेश दिला.

दरम्यान, या जन्मशताब्दी सोहळ्यात भगवती देवी शर्मा यांच्या तप, त्याग, सेवा आणि महिला जागृतीमधील योगदानाच्या स्मरणार्थ विशेष स्मारक टपाल तिकिटाचे अनावरण करण्यात आले. मोहन भागवत, जगद्गुरू शंकराचार्य स्वामी राजराजेश्वराश्रम आणि डॉ. चिन्मय पंड्या यांच्या हस्ते हे अनावरण झाले. या कार्यक्रमाला भारतासह ४० देशांमधील गायत्री परिवाराचे सदस्य उपस्थित होते.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा