“जे सांगितलं होतं, ते करून दाखवलं!”

पहलगाममधल्या निर्दय हल्ल्याचं उत्तर भारताने “ऑपरेशन सिंदूर”च्या रूपानं दिलं आणि या धाडसी कारवाईला आता देशभरातून सलाम मिळतोय. मास्टर ब्लास्टर सचिन तेंडुलकर, टीम इंडियाचा “गब्बर” शिखर धवन, माजी क्रिकेटपटू हरभजन सिंग, आणि पैरा ऑलिम्पियन देवेंद्र झाझरिया यांनी भारतीय लष्कराच्या या पराक्रमाला मानाचा मुजरा दिला.

सचिन तेंडुलकर यांनी ‘X’ (म्हणजेच ट्विटर) वर लिहिलं –
“एकतेत निडरता, शक्तीत सीमाहीनता. भारताची खरी ढाल म्हणजे त्याचे नागरिक. या जगात दहशतवादाला जागा नाही. आम्ही एक टीम आहोत!“

शिखर धवनने तर इंस्टाग्रामवर एक व्हिडिओ शेअर करत म्हटलं –
“जे सांगितलं होतं, ते करून दाखवलं. न्याय मिळाला. भारत माता की जय!”

पहलगाम हल्ल्याचं परतफेड

“ऑपरेशन सिंदूर” ही कारवाई पहलगाममध्ये 25 भारतीय आणि 1 नेपाळी नागरिकाच्या हत्येनंतर सुरू करण्यात आली. 7 मेच्या पहाटे 1:44 वाजता, भारतीय लष्कराने पाकिस्तान व POK (पाकव्याप्त काश्मीर) येथील 9 दहशतवादी ठिकाणांवर अचूक हवाई हल्ले केले.

हरभजन आणि झाझरिया यांचं भावनिक वक्तव्य

हरभजन सिंग यांनी X वर लिहिलं –
“जय हिंद! ऑपरेशन सिंदूर ही पहलगाममधील आमच्या निष्पाप बांधवांच्या हत्येवर भारताची सडेतोड प्रतिक्रिया आहे.”

देवेंद्र झाझरिया यांनी आपल्या दीर्घ पोस्टमध्ये लिहिलं –

“हे केवळ सैनिकी ऑपरेशन नव्हतं, हे आपल्या बहिणींच्या अश्रूंना उत्तर होतं. ज्या जवानांनी देशासाठी प्राण दिले त्यांना सलाम होता. दहशतवाद्यांनी आमच्या मुलींचं जीवन उद्ध्वस्त केलं, आणि गर्वानं ओरडले – ‘जा, मोदीला सांगा’. पण त्यांनी हे समजून घेतलं नाही, की आता भारताचं नेतृत्व कमजोर हातात नाही.“

त्यांनी पुढं लिहिलं –

“पंतप्रधान नरेंद्र मोदींनी ठाम आणि निर्णायक पावलं उचलून दाखवलं, की भारत आता गप्प बसत नाही. हे ऑपरेशन भारताच्या स्वाभिमानाचं उत्तर होतं!“

एक नवा भारत – जो चूप बसत नाही, उत्तर देतो!

“ऑपरेशन सिंदूर”ने पुन्हा एकदा दाखवून दिलंय की भारत आता फक्त शब्दात नाही, कृतीत उत्तर देतो. सचिन, धवन, हरभजन, झाझरिया यांचं हे एकच म्हणणं –
“भारत बदलला आहे… आणि आता जो काही चुकीच्या मार्गावर आहे, त्याला योग्य उत्तर नक्की मिळणार!”

हृदयात गर्व आणि डोळ्यांत अश्रू घेऊन आपण एकच म्हणूया –
जय हिंद! वंदे मातरम्!