नीतेश राणेंची दुसरी भविष्यवाणी पडणार…राऊत राष्ट्रवादीत नाहीत,पण राष्ट्रवादीचे आहेत!

भाजपा आमदार नीतेश नारायणराव राणे यांचे एक भाकीत खरे ठरले. १ मेची वज्रमुठ सभा अखेरची, त्यानंतर मविआची वज्रमुठ सभा होणार नाही, असे ते म्हणाले होते. राणे जे म्हणाले होते तेच घडले. पहील्या भविष्यवाणीच्या दणदणीत यशानंतर त्यांना दुसरी भविष्यवाणी करावीशी वाटणे स्वाभाविक आहे. ‘शिउबाठाचे नेते संजय राऊत १० जूनपर्यंत राष्ट्रवादी काँग्रेसमध्ये प्रवेश करतील’, असा दावा त्यांनी केला आहे. ही भविष्यवाणी मात्र साफ कोसळेल अशी दाट शक्यता आहे.