मध्य प्रदेशमध्ये विधानसभा निवडणूक लढवण्यासाठी उपजिल्हाधिकारी असणाऱ्या निशा बांगरे यांनी राजीनामा दिला होता. मात्र बांगरे यांना कॉंग्रेसने तिकीट दिले नाही. कॉंग्रेसने त्यांना तिकीट देण्याचे आश्वासन दिले होते. त्यामुळे त्यांनी राजीनामा दिला होता. तिकीट दिले नसल्याने आता बांगरे यांनी आपल्याला पुन्हा सेवेत घ्यावे, नोकरी प्रत मिळावी यासाठी सरकारकडे अर्ज केला आहे मात्र अद्याप सरकारकडून कुठलेही उत्तर दिलेले नाही. दरम्यान बांगर यांची कॉंग्रेसने मुख्य प्रवक्तेपदी नियुक्ती केली आहे. दरम्यान पत्रकारांना बांगरे यांनी सांगितले की, आपण पुन्हा नोकरीसाठी अर्ज केला असून प्रतिसादाच्या प्रतीक्षेत आहे.
हेही वाचा..
‘भारत-चीन यांच्यातील प्रदीर्घ सीमावादावर तातडीने लक्ष देण्याची गरज’
दिल्ली दारू घोटाळा प्रकरणी के.कविता यांना सीबीआयकडून अटक!
महिलेच्या चेहऱ्यावर ॲसिड फेकण्याची धमकी देणाऱ्या रेहमानला अटक
“देशात असलेल्या मजबूत सरकारमुळे दहशतवाद्यांना घरात घुसून मारलं जात आहे”
निशा बांगरे या छतरपूर जिल्ह्याच्या उपजिल्हाधिकारी होत्या. त्यांचे पती त्याच भागात एसडीएम म्हणून तैनात होते. बैतूल जिल्ह्यातील आमला मतदारसंघातून काँग्रेसच्या तिकिटावर निवडणूक लढवण्याची बांगरे यांची अपेक्षा होती. मात्र, त्यांचा राजीनामा स्वीकारल्यानंतर काँग्रेसने आमला मतदारसंघातून मनोज माळवे यांना तिकीट दिले. याबाबत बांगरे म्हणाल्या की, ती तिकीट किंवा कोणत्याही जबाबदारीबाबत काँग्रेसकडून अपडेटची वाट पाहत आहे. कोणतेही अपडेट नसल्याने, तिच्या कुटुंबाने तिला जानेवारी २०२४ मध्ये केलेली नोकरी परत मिळविण्यासाठी अर्ज करण्यास सांगितले.काँग्रेसने त्यंना लोकसभेच्या निवडणुकीसाठी भिंड किंवा टिकमगड मतदारसंघातून तिकीट देण्याचे वचन दिले होते.
बांगरे यांनी दावा केला की अशी काही उदाहरणे आहेत की सनदी अधिकाऱ्यांनी निवडणूक लढवण्यासाठी राजीनामा दिला परंतु पराभूत झाल्यानंतर ते पुन्हा नोकरीत सहभागी झाले. मी निवडणूकही लढवली नाही. त्यांनी सांगितले की, \नोकरी परत मिळविण्यासाठी अर्ज करत राहणार आहे. भारतीय जनता पक्षात प्रवेश करण्याच्या प्रश्नावर निशा बांगरे म्हणाल्या की, मला सत्ताधारी पक्षाकडून कोणतीही ऑफर मिळाली नाही.
एका पत्रात त्यांनी लिहिले की, १ एप्रिल २०१८ पासून मध्य प्रदेश सरकारमध्ये उपजिल्हाधिकारी म्हणून नियुक्ती झाली. आपल्या कार्यकाळात सरकारी प्रशासनाद्वारे प्रदान केलेल्या सर्व अधिकार, कर्तव्ये आणि निर्देशांचे निष्ठेने आणि समर्पितपणे पालन केले आहे.सर्वसामान्यांचे हक्क आणि सरकारची धोरणे तळागाळापर्यंत पोहोचावीत यासाठी मी परिश्रमपूर्वक काम केले आहे.
