बिनबुडाचे खोटे बोलून लोकांची फसवणूक केल्याबद्दल राहुल गांधी आणि काँग्रेस पक्षाचा केंद्रीय गृहमंत्री अमित शहा यांनी रविवारी निषेध केला. भाजप पुन्हा सत्तेत आल्यास आरक्षण रद्द करेल, असा दावा केलेल्या काँग्रेसच्या विधानावर त्यांनी तीव्र प्रतिक्रिया दिला. ‘ भाजप दहा वर्षांपासून पूर्ण बहुमताने सत्तेत आहे, जर पक्षाला आरक्षण रद्द करायचे असते, तर ते खूप पूर्वीच केले असते,’ असे ते म्हणाले. धक्कादायक बाब म्हणजे काँग्रेसने खोटे दावे करण्यासाठी शाह यांच्या बनावट, एडिटेड व्हिडिओचा वापर केला.
‘राहुल गांधी निराधार खोटे बोलून लोकांना फसवत आहेत. भाजप गेल्या १० वर्षांपासून या देशात सत्तेत आहे. दोन्ही वेळा पक्षाने पूर्ण बहुमताने सरकार स्थापन केले. भाजपला आरक्षण रद्द करायचे असते तर ते आधीच केले असते. नरेंद्र मोदींनी देशभरातील सर्व दलित, मागासवर्गीय आणि आदिवासी भगिनी आणि बांधवांना आश्वासन दिले आहे की, जोपर्यंत भाजप सत्तेत आहे तोपर्यंत आरक्षणाला कोणी हात लावणार नाही,’ असे शहा यांनी स्पष्ट केले.
भाजप आरक्षणाबाबत काहीही होऊ देणार नाही, अशी ग्वाही त्यांनी दिली. ‘आज मी देशातील जनतेला सांगू इच्छितो की, काँग्रेस पक्षाने नेहमीच एससी/एसटी/ओबीसींच्या आरक्षणावर हल्ला केला आहे. कर्नाटकात त्यांचे सरकार आल्यावर त्यांनी अल्पसंख्याकांच्या आरक्षणात चार टक्के कपात केली. कोणाचे आरक्षण कमी केले? ओबीसींचे.’
आजही, जामिया मिलिया आणि अलीगढ विद्यापीठांमध्ये एससी/एसटी/ओबीसी आरक्षणांना परवानगी नाही.
हे ही वाचा:
चेन्नईचे धडाक्यात अव्वल चार संघांमध्ये पुनरागमन!
धावगतीवरून टीका करणाऱ्यांना कोहलीचे सडेतोड प्रत्युत्तर!
मीरारोडमध्ये लव्ह जिहाद; बिर्याणीमधून गुंगीचे औषध देऊन बलात्कार, धर्म बदलण्याची सक्ती!
६०२ कोटी रुपयांच्या ड्रग्जसह १४ पाकिस्तानी तस्करांना अटक!
याचे एकमेव कारण म्हणजे काँग्रेसचे एससी/एसटी/ओबीसींबाबतचे धोरण. त्यांनी नेहमीच मागासलेल्या समाजाला विरोध केला, बाबासाहेब आंबेडकरांकडे दुर्लक्ष केले, आदिवासींना न्याय मिळवून देण्यासाठी कधीही काम केले नाही. द्रौपदी मुर्मू यांची राष्ट्रपतीपदी नियुक्ती करून आदिवासींना न्याय मिळवून देण्याचे काम नरेंद्र मोदी यांनी केले. जोपर्यंत भाजप राजकारणात आहे, तोपर्यंत एससी/एसटी/ओबीसी आरक्षणाचे कोणतेही नुकसान होणार नाही, या मोदींच्या गॅरंटीबद्दल मी देशातील जनतेला पुन्हा एकदा आठवण करून देऊ इच्छितो. ही मोदींची गॅरंटी आहे, असे अमित शाह म्हणाले.
२७ एप्रिल रोजी, तेलंगणा काँग्रेस पक्षाच्या अधिकृत एक्स हँडलने एक संपादित व्हिडिओ शेअर केला असून त्यात भाजप नेते अमित शहा यांनी एससी, एसटी आणि ओबीसींसाठी आरक्षण संपुष्टात आणण्याचे आश्वासन दिल्याचा खोटा दावा केला आहे.काँग्रेसच्या हँडलने एका ट्विटमध्ये म्हटले आहे की, ‘भाजपमधील एससी, एसटी, ओबीसी अल्पसंख्याक असलेल्या आणि धर्माच्या नावावर राजकारण करणाऱ्या बंधू आणि भगिनींनो, कृपया हा व्हिडीओ बघा आणि भाजपला मतदान करायचे की नाही याचा निर्णय घ्या.
ते अभिमानाने आणि अहंकाराने पुन्हा सत्तेत आल्यास भारताच्या राज्यघटनेने दिलेल्या आरक्षणाची फळे चाखणाऱ्या एससी, एसटी, ओबीसी आणि अल्पसंख्याकांचे आरक्षण काढून टाकू, असे सांगणाऱ्या अमित शहा, नरेंद्र मोदी यांच्या भाजप पक्षाला योग्य धडा शिकवूया,’ असे ट्वीट तेलंगणा काँग्रेसने केले आहे.
‘भाजपला सत्तेतून हटवा…देश वाचवा. राज्यघटनेने दिलेल्या अधिकारांचे रक्षण करूया. भारतीय राज्यघटनेची भरभराट झाली पाहिजे,’ असेही यात नमूद करण्यात आले आहे.वास्तविक, केंद्रीय गृहमंत्र्यांनी मुस्लिम समाजाचे घटनाबाह्य आरक्षण संपवून ते एससी, एसटी आणि ओबीसींना देण्याची शपथ घेतली होती.
