खलिस्तान समर्थक गट सिख्स फॉर जस्टिस (SFJ) ने १ नोव्हेंबर रोजी ऑस्ट्रेलियामध्ये होणारा पंजाबी गायक-अभिनेता दिलजीत दोसांझचा संगीत कार्यक्रम “बंद” करण्याची योजना जाहीर केली आहे. याच दिवशी अकाल तख्त साहिब शीख नरसंहार स्मृतिदिन म्हणून साजरा करतो. “कौन बनेगा करोडपती १७ ” च्या एका एपिसोडमध्ये बॉलिवूड सुपरस्टार अमिताभ बच्चन यांचे पाय स्पर्श केल्यामुळे खलिस्तान समर्थक दहशतवादी संघटनेने दिलजीतला धमकी दिली आहे.
दिलजीतने अमिताभ यांचे पाय स्पर्श केल्यामुळे खलिस्तान समर्थक गटाने नाराजी व्यक्त केली. संतप्त होऊन एसएफजेचे प्रमुख गुरपतवंत सिंग पन्नूने १ नोव्हेंबर रोजी ऑस्ट्रेलियातील दिलजीतचा शो बंद करण्याची धमकी दिली आहे.
दिलजीत दोसांझने १९८४ च्या हत्याकांडातील पीडितांचा अपमान केला
पन्नूने एक निवेदन जारी करून म्हटले आहे की, दिलजीतने अमिताभ बच्चन यांचे पाय स्पर्श करून १९८४ च्या हत्याकांडातील पीडितांचा अपमान केला आहे. असे करून त्याने १९८४ च्या प्रत्येक पीडिताचा, प्रत्येक विधवा आणि दंगलीत अनाथ झालेल्या प्रत्येक मुलाचा अपमान केला आहे. पन्नूने असा दावा केला की, अमिताभ बच्चन यांनी ३१ ऑक्टोबर १९८४ रोजी “खून का अब्दला खून” हा नारा दिला होता, ज्यामुळे जमाव भडकला. आणि झालेल्या हिंसाचारात संपूर्ण भारतात ३०,००० हून अधिक शीख पुरुष, महिला आणि मुले मारली गेली.
हे ही वाचा :
अल-कायदा दहशतवादी संघटनेचे साहित्य बाळगल्याप्रकरणी इंजिनिअरला अटक
सीमा नियंत्रणाबाबत भारत- चीनमध्ये सक्रिय संवाद सुरू राहणार!
अणुशास्त्रज्ञांशी संबंध, पाकिस्तान प्रवास, दिल्लीत गुप्तहेराला अटक!
दोसांझच्या नियोजित कार्यक्रमाला “स्मरणाची थट्टा” म्हणत, एसएफजेने जगभरातील शीख गट आणि कलाकारांना या कार्यक्रमावर बहिष्कार टाकण्याचे आवाहन केले. तसेच अकाल तख्त जत्थेदार ज्ञानी कुलदीप सिंग गर्गज यांना पत्र लिहून दोसांझला त्याच्या कृत्याचे स्पष्टीकरण देण्यासाठी बोलावण्याची विनंती केली आहे. पन्नूने असेही म्हटले आहे की अमिताभ बच्चन यांनी त्यांचे पाय स्पर्श करून योग्य काम केले नाही. दरम्यान, अकाल तख्तने २०१० मध्ये अधिकृतपणे १९८४ च्या हत्याकांडाला “नरसंहार” म्हणून घोषित केले आणि १ नोव्हेंबर हा दिवस “शीख नरसंहार स्मृतिदिन” म्हणून घोषित केला.
