इंडिया सेल्युलर अ‍ॅण्ड इलेक्ट्रॉनिक्स असोसिएशन (ICEA) ने भारतातील मॅन्युफॅक्चरिंग क्षेत्रात तंत्रज्ञान आणि आर्टिफिशियल इंटेलिजन्स (AI) इनोव्हेशनला सामूहिकरीत्या प्रोत्साहन देण्यासाठी एक अद्वितीय उद्योग-व्यापी उपक्रम सुरू केला आहे. या कार्यक्रमामार्फत कंपन्यांना अ‍ॅडव्हान्स्ड मॅन्युफॅक्चरिंग, एआय, इंटरनेट ऑफ थिंग्ज (IoT), ऊर्जा कार्यक्षमता, मटेरियल सायन्स अशा विविध क्षेत्रांतील परिवर्तनशील तंत्रज्ञानाशी जोडण्यात येणार आहे.
ICEA ने व्हेंचर कॅपिटल फंड Carret Capital च्या सहकार्याने ‘व्हेंचर अ‍ॅक्सेस लॅब्स’ नावाचा एक टेक्नोलॉजी इनोव्हेशन अ‍ॅक्सेस प्रोग्रॅम लॉन्च केला. या उपक्रमाचा उद्देश भारतीय इलेक्ट्रॉनिक्स आणि उपकरण निर्मिती करणाऱ्या कंपन्यांना जगभरातील अत्याधुनिक तंत्रज्ञान आणि इनोव्हेशनच्या शोधात, त्याचे संकलन आणि अंगीकार करण्यात सक्षम करणे आहे.
हेही वाचा..
देशहित काँग्रेससाठी महत्त्वाचं नाही
पाकिस्तानात भूकंप आला आणि खचलेली भिंत ओलांडून कैदी फरार!
ड्रॅगन बोट फेस्टिव्हलच्या सुट्ट्यांमध्ये ८२ लाख पर्यटकांची भेट
ICEA चे अध्यक्ष पंकज मोहिंद्रू यांनी सांगितले, व्हेंचर अ‍ॅक्सेस लॅब्स च्या माध्यमातून, इंडियन चॅम्पियन्स घडविण्याच्या दृष्टीने भारताच्या इलेक्ट्रॉनिक्स आणि मॅन्युफॅक्चरिंग क्षेत्राला जागतिक इनोव्हेशनशी जोडताना आम्हाला आनंद होत आहे. ते पुढे म्हणाले, आंतरराष्ट्रीय तंत्रज्ञान प्रगतीसाठी दरवाजे उघडून आणि एक इनोव्हेशन पाइपलाइन तयार करून, भारताच्या इलेक्ट्रॉनिक्स उत्पादन क्षमतेला आणि जागतिक स्पर्धात्मकतेला बळकटी देणे हे आमचे उद्दिष्ट आहे, जेणेकरून भारत जागतिक बाजारात अधिक मोठा वाटा मिळवू शकेल.
हा कार्यक्रम खरेदी, योजना, उत्पादन, पुरवठा साखळी, वित्त, मानवी संसाधने, कायदेशीर बाबी आणि ESG (पर्यावरणीय, सामाजिक आणि प्रशासन) यासारख्या अनेक कार्यक्षेत्रांना कव्हर करतो. या कार्यक्रमाद्वारे कंपन्यांना खालील गोष्टींमध्ये मदत मिळेल:
इनोव्हेशन ट्रेंडची ओळख, उच्च परिणामकारक स्टार्टअप्स व IP पर्यंत सानुकूलित प्रवेश, धोरणात्मक जुळवणी व प्रायोगिक संधी, नवीन तंत्रज्ञानासाठी सुसंगत अ‍ॅडॉप्शन, धोरणात्मकदृष्ट्या संबंधित, तपासलेले आणि उच्च-क्षमता असलेले स्टार्टअप्समध्ये गुंतवणूक. व्हेंचर अ‍ॅक्सेस लॅब्स चे सह-संस्थापक सलिल कपूर यांनी सांगितले, भारतीय इलेक्ट्रॉनिक्स आणि उपकरण निर्माण क्षेत्राने आता टेक-फर्स्ट ग्लोबल लीडरशिपकडे वाटचाल करण्याची वेळ आली आहे.” ते म्हणाले,
“हा उपक्रम एक इनोव्हेशन कॅटालिस्ट आणि भागीदार म्हणून कार्य करेल, जो भारतीय उत्पादक कंपन्यांसाठी जगभरातील नाविन्यपूर्ण तंत्रज्ञान आणि गेम-चेंजिंग स्टार्टअप्सची निवड करून, त्यांना कमी खर्चात त्या संधींचा लाभ घेता येईल याची सोय करेल.”
