सर्वात मोठी अर्थव्यवस्था बनत आहे भारत, तर पाकिस्तानची काय गत जाणून घ्या..

‘ऑपरेशन सिंदूर’अंतर्गत भारताने पाकिस्तानमधील दहशतवादी ठिकाणांवर हल्ला केला. भारताने नऊ दहशतवादी ठिकाणांवर एअर स्ट्राईक करत पहलगाम दहशतवादी हल्ल्याचा बदला घेतला. भारताच्या या कारवाईमुळे पाकिस्तान घाबरलेला आहे. त्याच वेळी, बुधवारी पाकिस्तानच्या शेअर बाजारातही प्रचंड घसरण झाली. सैन्यबळासोबतच आर्थिक आघाडीवरही पाकिस्तानची स्थिती दिवसेंदिवस खालावत आहे.

प्रत्यक्षात, एकाच वेळी स्वतंत्र झालेले भारत आणि पाकिस्तान यांच्यात सध्या प्रचंड फरक निर्माण झाला आहे. एकीकडे भारत समृद्धीच्या नव्या वाटा खुल्या करत असून जगातील तिसऱ्या क्रमांकाची अर्थव्यवस्था बनण्याच्या दिशेने वाटचाल करत आहे. तर दुसरीकडे, पाकिस्तान दहशतवादाचे केंद्र बनले आहे. भारत सध्या जगातील सर्वात वेगाने वाढणारी अर्थव्यवस्था आहे. जागतिक बँकेच्या २०२४ च्या आकडेवारीनुसार भारताचे सकल देशांतर्गत उत्पादन (जीडीपी) सुमारे ३.८८ ट्रिलियन डॉलर आहे, जे पाकिस्तानच्या अर्थव्यवस्थेपेक्षा (फक्त ०.३७ ट्रिलियन डॉलर) १० पट जास्त आहे.

हेही वाचा..

राष्ट्रपती मुर्मूंशी पंतप्रधान मोदींची भेट, ‘ऑपरेशन सिंदूर’ची दिली माहिती

‘ऑपरेशन सिंदूर’नंतर मोदींचा युरोप दौरा रद्द

ऑपरेशन सिंदूर: भारताने लक्ष्य केलेली दहशतवाद्यांची नऊ ठिकाणं कोणती?

दहशतवादी तळाबरोबरच पाकिस्तानचा शेअर बाजारही सपाट

आंतरराष्ट्रीय नाणेनिधी (IMF) च्या ‘वर्ल्ड इकॉनॉमिक आउटलुक’ अहवालानुसार, २०२५ मध्ये भारत जपानला मागे टाकून जगातील चौथ्या क्रमांकाची अर्थव्यवस्था बनू शकतो आणि चालू वर्षात भारताचे जीडीपी ४.१८७ ट्रिलियन डॉलरपर्यंत पोहोचण्याचा अंदाज आहे. अर्थव्यवस्थेच्या सर्व मापदंडांवर भारत आपला शेजारी पाकिस्तानपेक्षा खूपच पुढे आहे. भारताचा परकीय चलन साठा ६८८ अब्ज डॉलर इतका आहे. तर पाकिस्तानकडे केवळ १५ अब्ज डॉलरचा परकीय चलन साठा आहे आणि तो आर्थिक संकटाच्या उंबरठ्यावर आहे. याशिवाय, पाकिस्तान IMF कडून कर्जाची मागणी करत आहे.

स्वातंत्र्यानंतरच्या सुरुवातीच्या काळात अमेरिकेची मदत आणि तेलसंपन्न इस्लामी देशांकडून मिळालेल्या देणग्यांमुळे पाकिस्तानची अर्थव्यवस्था भारताच्या पंक्तीत होती. दुसरीकडे, लोकशाही भारताने आपला फोकस आर्थिक विकासावर आणि लोकांना गरिबीतून बाहेर काढण्यावर केंद्रित केला. पाकिस्तानमध्ये मात्र अनेक रक्तरंजित सत्तांतर आणि लष्करी हुकूमशाही घडली, जिथे आजही लष्कराचे जनरल निर्णय घेतात आणि भारतविरोधी द्वेष वाढवत आहेत.

पाकिस्तानने दहशतवादाला प्रशिक्षण देणे आणि प्रोत्साहन देणे ही त्याच्या धोरणाचा एक महत्त्वाचा भाग राहिला आहे. पहलगाममध्ये झालेल्या भीषण दहशतवादी हल्ल्यानंतर भारत-पाकिस्तान दरम्यान वाढलेल्या तणावावर ‘मूडीज’ने म्हटले होते की, यामुळे पाकिस्तानच्या अर्थव्यवस्थेवर नकारात्मक परिणाम होऊ शकतो.

अहवालात म्हटले होते की, भारताशी तणावामुळे पाकिस्तानच्या बाह्य वित्तपुरवठ्यावर परिणाम होऊ शकतो. त्याचबरोबर, पाकिस्तानच्या परकीय चलन साठ्यावरही अतिरिक्त दबाव येऊ शकतो. अहवालानुसार, भारतातील व्यापक आर्थिक परिस्थिती तुलनेने स्थिर राहील. मजबूत सार्वजनिक गुंतवणूक आणि स्थिर खाजगी खर्च यांच्या आधारावर भारताचा विकास दर मध्यम असला तरी तुलनेने उच्चच राहणार आहे.