मोदींसोबत छोट्या विद्यार्थिनींचा रक्षाबंधनाचा उत्साह

देशभरात आज रक्षाबंधनाचा सण उत्साहात साजरा होत असताना पंतप्रधान नरेंद्र मोदी यांनीही आपल्या अधिकृत निवासस्थानी विद्यार्थिनींसोबत रक्षाबंधन साजरं केलं. यावेळी विद्यार्थिनींनी पंतप्रधान मोदी यांच्या मनगटावर राखी बांधली. पंतप्रधान मोदी यांनीही मुलींशी मनमोकळा संवाद साधत त्यांच्यासोबत आनंदाचे क्षण घालवले. या भेटीदरम्यान हसतमुख वातावरण पाहायला मिळालं, तर मोदी यांनी विद्यार्थिनींना हाय-फाइव्ह देत त्यांचा उत्साह वाढवला.

पंतप्रधान मोदी यांच्या ७, लोककल्याण मार्ग येथील निवासस्थानी रक्षाबंधनानिमित्त विशेष कार्यक्रम आयोजित करण्यात आला होता. या कार्यक्रमात शाळकरी मुलींनी पंतप्रधानांना राखी बांधली. मोदी यांनी प्रत्येक विद्यार्थिनीशी संवाद साधत त्यांचं अभिनंदन स्वीकारलं. यावेळी पंतप्रधान आणि विद्यार्थिनींमध्ये हसत-खेळत संवाद, हस्तांदोलन आणि हाय-फाइव्हचे क्षण पाहायला मिळाले. मुलींनीही पंतप्रधानांसोबत भेटीचा आनंद घेतला. या भेटीचे फोटो आणि दृश्ये समाजमाध्यमांवरही समोर आली आहेत.

High fives, smiles and more during today’s Raksha Bandhan celebrations at 7, LKM. pic.twitter.com/dMTJHxlVhH

— Narendra Modi (@narendramodi) August 28, 2026

हे ही वाचा:

पंतप्रधानांसह मंत्र्यांचा एक महिन्याचा पगार नेपाळच्या पूरग्रस्तांसाठी

प्रज्ञानंदन ठरला ग्रँड चेस टूर फायनल जिंकणारा पहिला भारतीय

तिबेटमध्ये नेपाळ सीमेजवळ आणखी एक तलाव फुटला; पुन्हा महापुराचा धोका

आठ सिमकार्ड पाकिस्तानात पाठवणारे दाम्पत्य अटकेत

रक्षाबंधनानिमित्त पंतप्रधान मोदी यांनी देशवासीयांना शुभेच्छा दिल्या. प्रेम, स्नेह आणि परस्पर विश्वासाचं नातं सदैव अतूट राहावं, अशी भावना त्यांनी व्यक्त केली. हा सण प्रत्येकाच्या आयुष्यात आनंद, समृद्धी आणि यश घेऊन येवो, अशी प्रार्थनाही त्यांनी केली. रक्षाबंधन हा भाऊ-बहिणीमधील प्रेम, विश्वास आणि संरक्षणाच्या नात्याचं प्रतीक मानला जातो. बहिण भावाच्या मनगटावर राखी बांधून त्याच्या सुख-समृद्धीसाठी शुभेच्छा देते, तर भाऊ तिच्या संरक्षणाची आणि साथ देण्याची भावना व्यक्त करतो.