पोलीस ठाण्याजवळच एकाची गोळी झाडून हत्या

उत्तर प्रदेशातील गाझियाबादमध्ये एका व्यक्तीची गोळी झाडून हत्या करण्यात आली आहे. सांगितले जात आहे की, कार बाजूला घेण्याच्या वादातून ही हत्या घडली. प्रकरण गाझियाबादच्या मुरादनगर पोलीस ठाण्याजवळील आहे. बुधवारी रात्री १० वाजता, ३५ वर्षीय रवि शर्मा नावाचा युवक आपली कार बाहेर काढत होता. तेव्हा अजय आणि मॉन्टी या दोघांशी त्याचा वाद झाला. वाद एवढा वाढला की आरोपी रविच्या घरी गेले आणि त्याच्याशी मारहाण केली.

यानंतर रवि आपल्या भावासोबत मुरादनगर पोलीस ठाण्यात तक्रार देण्यासाठी गेला. त्याच दरम्यान, पोलीस ठाण्याच्या गेटजवळच अजय आणि मॉन्टीने रवि शर्मा याच्यावर बेधडक गोळीबार केला. चार गोळ्या लागल्यामुळे रवि शर्मा रक्ताच्या थारोळ्यात पडला. तात्काळ त्याला रुग्णालयात नेण्यात आले, मात्र डॉक्टरांनी त्याला मृत घोषित केले.

हेही वाचा..

हाय-ॲक्टिव्हिटी मायक्रो मार्केट्समध्ये भारताचा वाटा किती ?

स्टुडंट व्हिसा : ट्रम्प सरकारने ठेवली ही अट

संभळ हिंसाचार प्रकरणात चार्जशीट दाखल

काँग्रेसने कटकारस्थानांच्या झुंडीमधून बाहेर पडावे

डीसीपी देहात सुरेंद्र नाथ तिवारी यांनी सांगितले की, गाझियाबादच्या मिल्क रावली गावात गोळीबाराची घटना घडल्याची माहिती मिळाली होती. रवि शर्मा हा आपल्या कुटुंबासह एफआयआर नोंदवण्यासाठी पोलीस ठाण्यात आला होता. एफआयआरची प्रक्रिया सुरू असताना आरोपी मॉन्टीने पोलिस ठाण्याजवळच रवि शर्मा याच्यावर गोळी झाडली. त्यानंतर रवीने रुग्णालयात अखेरचा श्वास घेतला. अजय आणि मॉन्टी यांच्याविरुद्ध गुन्हा दाखल करण्यात आला असून पोलिसांनी त्यांना पकडण्यासाठी विशेष पथके तयार केली आहेत.

मृतकाचे वडील रविंद्र शर्मा यांनी सांगितले की, रवीचा अजय आणि मॉन्टीसोबत वाद झाला होता. आम्ही यासंदर्भात तक्रार देण्यासाठी पोलिस ठाण्यात गेलो होतो. तेव्हाच अजय आणि मॉन्टी घटनास्थळी पोहोचले आणि पोलिस ठाण्याजवळच गोळीबार केला. यात रवीला गोळी लागली आणि रुग्णालयात त्याचा मृत्यू झाला. रविंद्र शर्मा यांनी आरोप केला की, घटनेच्या वेळी सुमारे चार पोलिस ठाण्याबाहेर उभे होते, पण त्यांनी काहीही केलं नाही. ते फक्त मोबाईलने व्हिडीओ बनवत होते. मी मुख्यमंत्री योगी आदित्यनाथ यांच्याकडे मागणी करतो की, आरोपींविरुद्ध कठोर कारवाई करण्यात यावी.