भारत आणि पाकिस्तान यांच्यात निर्माण झालेल्या तणावाच्या पार्श्वभूमीवर भारताने सोशल मीडियाच्या माध्यमातून चुकीची माहिती पसरवणाऱ्या वापरकर्त्यांवर कारवाई करण्याचा निर्णय घेतला आहे. यासाठी भारताने ‘एक्स’ या सोशल मीडिया प्लॅटफॉर्मवरील तब्बल ८,००० अकाऊंट ब्लॉक करण्याचे निर्देश दिले आहेत.
एक्स या सोशल मीडिया प्लॅटफॉर्मचे सर्वेसर्वा एलोन मस्क यांनी गुरुवारी सांगितले की, भारताने सोशल मीडिया प्लॅटफॉर्मवरील ८,००० अकाउंट्स ब्लॉक करण्यास सांगितले आहे. ‘एक्स’ला भारत सरकारकडून कार्यकारी आदेश मिळाले आहेत ज्यात कंपनीला भारतातील ८,००० हून अधिक खाती ब्लॉक करण्याचे आदेश देण्यात आले आहेत. ज्यामध्ये कंपनीच्या स्थानिक कर्मचाऱ्यांना मोठा दंड आणि तुरुंगवासाची शिक्षा होऊ शकते, असे ग्लोबल गव्हर्नमेंट अफेयर्सच्या निवेदनात म्हटले आहे. या आदेशांमध्ये आंतरराष्ट्रीय वृत्तसंस्था आणि प्रमुख एक्स वापरकर्त्यांच्या खात्यांमध्ये भारतात प्रवेश ब्लॉक करण्याच्या मागण्यांचा समावेश आहे.
दरम्यान, या प्लॅटफॉर्मने भारतात त्यांच्या सेवा सुरू ठेवण्याची गरज अधोरेखित केली. भारतीयांना माहिती मिळविण्याच्या क्षमतेसाठी प्लॅटफॉर्म उपलब्ध ठेवणे अत्यंत महत्त्वाचे आहे, असे म्हटले आहे. बहुतेक प्रकरणांमध्ये, भारत सरकारने हे स्पष्ट केलेले नाही की कोणत्या खात्यांमधील पोस्टने भारताच्या स्थानिक कायद्यांचे उल्लंघन केले आहे. मोठ्या संख्येने खात्यांसाठी, आम्हाला खाती ब्लॉक करण्यासाठी कोणतेही पुरावे किंवा समर्थन मिळाले नाही, असे निवेदनात म्हटले आहे. सर्व खाती ब्लॉक करणे केवळ अनावश्यक नाही, तर ते विद्यमान आणि भविष्यातील सामग्रीचे सेन्सॉरशिप आहे आणि अभिव्यक्ती स्वातंत्र्याच्या मूलभूत अधिकाराच्या विरुद्ध आहे. हा एक सोपा निर्णय नाही, तथापि भारतात प्लॅटफॉर्म उपलब्ध ठेवणे भारतीयांच्या माहितीमध्ये प्रवेश करण्याच्या क्षमतेसाठी अत्यंत महत्वाचे आहे.
हे ही वाचा :
राफेलला लिंबू-मिरची लावून सैन्याची खिल्ली उडवणाऱ्या काँग्रेस प्रदेशाध्यक्षांवर गुन्हा दाखल!
“आमच्या संयमाची परीक्षा घ्याल तर चोख प्रत्युत्तर दिले जाईल”
एकाच वेळी, पाककडून जयशंकर, डोवाल यांचे फूट मसाज आणि युद्धखोरी…
पहलगाम दहशतवादी हल्ल्यानंतर भारत आणि पाकिस्तानमधील तणाव वाढल्याने , यापूर्वीही भारत सरकारने अनेक वृत्तसंस्थांसह डझनभर पाकिस्तानी यूट्यूब चॅनेलवर बंदी घातली होती, कारण त्यांनी चुकीची सामग्री पसरवली होती. पाकिस्तानचे माजी पंतप्रधान इम्रान खान यांच्या इन्स्टाग्राम अकाउंटवरही भारतात प्रवेश प्रतिबंधित करण्यात आला आहे. अभिनेता फवाद खान आणि आतिफ असलम यांच्यासह अनेक प्रमुख पाकिस्तानी सार्वजनिक व्यक्ती आणि बाबर आझम, मोहम्मद रिझवान, शाहिद आफ्रिदी आणि वसीम अक्रम यांसारखे क्रिकेटपटूंना भारतीय प्लॅटफॉर्मवर ब्लॉक किंवा काळ्या यादीत टाकण्यात आले आहे.
