भारतीय लष्कराच्या वायू संरक्षण प्रणालीने पाकिस्तानच्या ड्रोन हल्ल्याचा यशस्वी प्रतिकार केला आहे. पाकिस्तानने शनिवारी सकाळी ड्रोनच्या माध्यमातून हल्ल्याचा प्रयत्न केला. मात्र, सतर्क भारतीय लष्कराने पाकिस्तानच्या या कारवायांना अपयशाचं तोंड पाहायला लावलं आणि त्यांच्या ड्रोनना जमिनीवर कोसळावं लागलं. महत्त्वाची बाब म्हणजे पाकिस्तानने स्फोटकांनी भरलेले ड्रोन भारतातील नागरिक वस्तीच्या भागांमध्ये पाठवले होते. त्यांचा उद्देश पंजाबमधील सामान्य नागरिकांच्या ठिकाणांवर हल्ला करण्याचा होता. पाकिस्तानचे हे ड्रोन भारतात जास्तीत जास्त निष्पाप नागरिकांना हानी पोहोचवण्यासाठी पाठवले गेले होते. पण भारतीय लष्कराने पाकिस्तानच्या या नापाक मनसुब्यांना पूर्णपणे हाणून पाडलं.
संरक्षण अधिकाऱ्यांनी सांगितले की, शनिवारी पहाटे सुमारे पाच वाजता पाकिस्तानच्या लष्कराने सीमारेषा ओलांडून पंजाबच्या अमृतसर दिशेने अनेक ‘कामिकेझ’ ड्रोन पाठवले. ‘कामिकेझ’ ड्रोन हे अत्यंत धोकादायक आत्मघातकी मानवविरहित हवाई वाहन असतात. हे ड्रोन स्फोटकांसह उड्डाण करतात आणि लक्ष्याशी धडकून स्फोट घडवतात. या ड्रोनचा उद्देश भारतातील अमृतसरच्या दाट लोकवस्ती असलेल्या परिसरांवर हल्ला करणे होता. मात्र, भारतीय लष्कराच्या वायू संरक्षण प्रणालीने अत्यंत सतर्कतेने आणि वेगाने प्रत्युत्तर दिलं. हे ड्रोन भारतीय हवाई क्षेत्रात प्रवेश करताच काही क्षणांत ओळखले गेले आणि लगेचच नष्ट करण्यात आले.
हेही वाचा..
पाकिस्तानचे अण्वस्त्रहरण; अण्वस्त्राबाबत बैठक बोलावल्याचे वृत्त खोटे
मोदींनी ‘ऑपरेशन सिंदूर’ची घेतली माहिती
ऑपरेशन सिंदूर : पाकिस्तानमधील टॉप-५ दहशतवाद्यांचा खात्मा
संरक्षण तज्ज्ञ सांगतात की सीमावर्ती भागात तैनात जलद प्रतिसाद देणाऱ्या वायू संरक्षण तोफांचा वापर करून गनर्सनी हे ड्रोन हवेतच पाडले. या पाकिस्तानी ड्रोनचा खच अमृतसरच्या नागरिक वस्तीवर कोसळला नाही आणि कोणतीही जीवितहानी झाली नाही. संरक्षण विश्लेषकांच्या मते, प्राथमिक तपासणीत हे समोर आलं आहे की या ड्रोनमध्ये उच्च क्षमता असलेले स्फोटक भरले होते. या स्फोटकांचा उद्देश निष्पाप नागरिकांना मोठ्या प्रमाणावर इजा पोहोचवण्याचा होता. पाकिस्तानकडून ही एक नवीन आणि गंभीर भडकवणारी कारवाई मानली जात आहे.
