उत्तर प्रदेशातील मेरठमधील टीपी नगर पोलिस स्टेशन परिसरातील फुटबॉल चौकाजवळ शुक्रवारच्या नमाजानंतर मशिदीवरून गॅरेजवर दगडफेक केल्याच्या प्रकरणात पोलिसांनी काल रात्री (८ मार्च) उशिरा दोन आरोपींना अटक केली. अटक केलेल्या आरोपींची ओळख मोहम्मद साजिद आणि वसीम मिर्झा अशी आहे. इतर आरोपींच्या शोधात पोलिस छापे टाकत आहेत.
मेरठच्या टीपी नगर पोलीस स्टेशन परिसरात फुटबॉल चौकाजवळ एक मशीद आहे. मशिदीभोवती मुस्लिम समुदायाच्या लोकांचे अनेक गॅरेज आहेत. अलिकडेच दीपक मित्तल नावाच्या व्यक्तीने तिथे एक नवीन गॅरेज उघडले होते, ज्याचा मुहूर्त शुक्रवारी होता. दीपकच्या कुटुंबीयांचा आरोप आहे की, जेव्हा तो त्याच्या नवीन गॅरेजचे उद्घाटन करत होता, तेव्हा अचानक शुक्रवारच्या नमाजानंतर काही तरुणांनी मशिदीच्या छतावरून त्याच्यावर दगडफेक करायला सुरुवात केली.
घटनेची माहिती मिळताच भाजपचे राज्यसभा खासदार लक्ष्मीकांत बाजपेयी, महानगर अध्यक्ष सुरेश जैन ऋतुराज, कमल दत्त शर्मा, दलजीत सिंह आणि इतर अनेक व्यापारी घटनास्थळी पोहोचले. भाजप नेत्यांनी आरोपींना तात्काळ अटक करण्याची मागणी केली आणि वातावरण बिघडवण्याचा हा सुनियोजित कट असल्याचे म्हटले. त्यांनी मशिदीच्या मुतवल्ली (व्यवस्थापक) विरोधात कारवाईची मागणीही केली होती.
हे ही वाचा :
कर्नाटका : हंपी अत्याचार प्रकरणी दोघांना अटक, तिसऱ्याचा शोध सुरु!
सीरियन सैन्य आणि असद समर्थकांमध्ये संघर्ष, दोन दिवसात एक हजार लोकांचा मृत्यू!
राजस्थानमध्ये ४५ कुटुंबांची घरवापसी!
इंडियन वेल्स: ५ वेळा चॅम्पियन जोकोविच पहिल्याच सामन्यात पराभूत
पोलिसांनी घटनास्थळाभोवती बसवलेले सीसीटीव्ही कॅमेरे तपासले तेव्हा धार्मिक स्थळाच्या छतावरून तीन तरुण दगडफेक करताना दिसले. यानंतर पोलिसांनी रात्री उशिरा फुटबॉल चौकातील रहिवासी मोहम्मद साजिद आणि दिल्ली गेट परिसरातील रहिवासी वसीम मिर्झा यांना अटक केली. एसपी सिटी आयुष विक्रम सिंह म्हणाले की, आरोपींनी वातावरण बिघडवण्याच्या उद्देशाने जाणूनबुजून दगडफेक केली. पोलीस आता इतर आरोपींचा शोध घेत आहेत. लवकरच इतर गुन्हेगारांनाही अटक केली जाईल, असे पोलीस अधिकाऱ्याने सांगितले.
