भारताचे चौथे विमान ११ टन साहित्य घेऊन काठमांडूत दाखल

भारताचे चौथे विमान रविवारी मदत सामग्रीची चौथी खेप घेऊन काठमांडूमध्ये पोहोचले आणि आपत्तीग्रस्त देश नेपाळमधील लोकांच्या मदतीसाठी ही सामग्री येथील सरकारकडे सोपवण्यात आली.

The fourth Indian flight has touched down in Kathmandu.

It brings essential supplies and technical capabilities to support Nepal’s ongoing rescue & relief operations.

🇮🇳🇳🇵 pic.twitter.com/LYWF5c719k

— Dr. S. Jaishankar (@DrSJaishankar) August 30, 2026

परराष्ट्रमंत्री डॉ. एस. जयशंकर यांनी एक्सवर लिहिले की, 11 टन मदत सामग्री घेऊन भारताचे चौथे विमान काठमांडूमध्ये पोहोचले आहे. हे विमान नेपाळमध्ये सुरू असलेल्या बचाव आणि मदत कार्यासाठी आवश्यक साहित्य आणि तांत्रिक क्षमता घेऊन आले आहे. यामध्ये सर्च आणि रेस्क्यू ऑपरेशनसाठी उपकरणांसोबत एक टनेल टेक्निकल टीम, डीएनए ॲनालिसिससाठी फॉरेन्सिक तज्ज्ञांची एक टीम तसेच ब्लँकेट, स्लीपिंग बॅग, ताडपत्री, प्लास्टिक शीट आणि हायजीन किट यांसारखी मदत सामग्री समाविष्ट आहे.

हे ही वाचा:

नेपाळ-तिबेट सीमेवरील महाप्रलयाचे व्हिडीओ जिनपिंग सरकारने केले गायब

दारिद्र्याचे लक्षण |

कर्मभूमीशी निष्ठा, जन्मभूमीशी नातं!; मोहन भागवतांचा परदेशातील भारतीयांना संदेश

एचडीएफसी बँकेला मोठा धक्का; सीईओ शशीधर जगदीशन पदावरून पायउतार होणार

उल्लेखनीय आहे की, नेपाळच्या रसुवा आणि आसपासच्या भागात भोटेकोशी नदीला 26 ऑगस्टच्या सकाळी अचानक आलेल्या विनाशकारी पुरात आतापर्यंत सुमारे 724 जणांचे मृतदेह सापडले आहेत आणि शेकडो लोक बेपत्ता आहेत. बेपत्ता लोकांमध्ये परदेशी नागरिक आणि सुरक्षा कर्मचारी यांचाही समावेश आहे. पुरामुळे तीन जिल्ह्यांमध्ये मोठ्या प्रमाणावर नुकसान झाले आहे.