‘महापौर असताना किशोरी पेडणेकरांनी केला टर्टल हॉटेल घोटाळा’

भाजपाचे नेते आणि माजी खासदार किरीट सोमय्या यांनी माजी महापौर किशोरी पेडणेकर यांच्यावर घोटाळ्याचे आरोप केले आहेत. किशोरी पेडणेकरांचा टर्टल घोटाळा अशा शब्दांत त्यांनी एक्सवर पोस्ट करत काही कागदपत्रे शेअर केली आहेत.

किरीट सोमय्या यांनी म्हटले आहे की, मार्च २०२२ मध्ये महापौरपद संपत असताना, महापालिकेचा अंधेरी क्रीडा संकुलातील खेळाडूंसाठी असलेल्या ५४ खोल्यांचे हॉस्टेल “टर्टल हॉटेलला” ५ वर्षांसाठी दिले.

हे ही वाचा:

राजमिस्त्रीच्या लेकीची सुवर्ण झेप; आता ऑलिम्पिक पदकाचे स्वप्न!

गिल-राहुलचे शतक, सुथारचा कहर! अफगाणिस्तान अडचणीत

भारतीय क्रिकेटमध्ये २५ वर्षांनंतर घडला असा पराक्रम

वरळीतील म्युझिक कॉन्सर्टनंतर महिलेची प्रकृती बिघडली

यासंदर्भात सोमय्या यांनी जी कागदपत्रे जोडली आहेत, त्यात २ मार्च २०२२ला महापौर असलेल्या किशोर पेडणेकर यांच्या स्वाक्षरीचे एक पत्र दिले आहे. त्यात महापौर असलेल्या पेडणेकर यांच्या मंजुरीसाठी हे पत्र पाठविण्यात आले होते. त्यांनी त्याला मंजुरी दिली होती. त्या पत्रात म्हटले होते की, शहाजीराजे भोसले क्रीडा संकुल, अंधेरी येथील २८ वसतीगृह खोल्यांचे नूतनीकरण करून त्या भाडेतत्त्वावर चालविण्यासाठी मेसर्स युनायटेड मार्केट अँड रिसर्च ब्युरोला देण्यात य़ावे. त्यात म्हटले आहे की, या कंपनीला ३ वर्षांच्या कालावधीसाठी या खोल्या भाडेतत्त्वावर, ३ लाख आणि १८ टक्के वस्तू व सेवा कर आकारून विकसित करावी लागेल. त्यासाठी मंजुरी हवी आहे. हे पत्र बृहन्मुंबई क्रीडा व ललितकला प्रतिष्ठानच्या लेटरहेडवर आहे.

किशोरी पेडणेकरांचा टर्टल हॉटेल घोटाळा.

मार्च 2022 मध्ये महापौर पद संपत असताना, महापालिकेचा अंधेरी क्रीडा संकुलाचा खेळाडूंसाठी असलेल्या 54 खोल्यांचे हॉस्टेल "टर्टल हॉटेलला" 5 वर्षांसाठी दिले pic.twitter.com/5uaQROE6ez

— Kirit Somaiya (@KiritSomaiya) June 7, 2026

पण नंतर १ऑगस्ट २०२३मध्ये या ललितकला प्रतिष्ठानचे मुख्य लेखापाल रमाकांत सावंत यांचे पत्रही सोमय्या यांनी जोडले आहे. जे पत्र सावंत यांनी  मेसर्स युनायटेड मार्केट अँड रिसर्च ब्युरोचे प्रमुख धर्मेश शहा यांना लिहिले आहे. त्यात या संकुलातील सगळ्या खोल्या रिकाम्या कराव्या असा आदेश दिला आहे. त्या पत्रात ते पुढे म्हणतात की, तुम्ही या २८ खोल्या तातडीने रिकाम्या करा. तुम्ही टर्टल हॉटेल या नावाने थर्ड पार्टी ऍग्रिमेंट केलेले आहे. ते बेकायदा आहे. त्यामुळे या खोल्या ताबडतोब सोडाव्यात.