31 C
Mumbai
Saturday, November 21, 2026
घरराजकारणसेलिब्रिटीजच्या मुंबई प्रेमावर नितेश राणे बरसले

सेलिब्रिटीजच्या मुंबई प्रेमावर नितेश राणे बरसले

Google News Follow

बुधवार पहाटेपासून मुंबईला पाऊस झोडपून काढत आहे. हा मान्सूनपूर्व पाऊस असल्याचे हवामान खात्याकडून सांगण्यात येत असले तरीही पहिल्याच पावसात मुंबईची तुंबई झालेली पाहायला मिळत आहे. मुंबईच्या अनेक भागात पाणी साचून जनजीवन विस्कळीत झाले आहे. यावरूनच भारतीय जनता पार्टीचे नेते आमदार नितेश राणे यांनी ठाकरे सरकारवर तोफ डागली आहे.

ट्विटरच्या माध्यमातून आमदार नितेश राणे यांनी शिवसेना आणि त्यांचे समर्थन करणाऱ्या सेलिब्रिटीजवर निशाणा साधत एका दगडात दोन पक्ष्यांवर हल्ला चढवला आहे. तर दुसरीकडे मुंबई महापालिकेच्या कारभारालाही त्यांनी लक्ष्य केले आहे. पहिल्याच पावसात मुंबईच्या विविध भागात साचलेल्या पाण्याचे फोटो राणे यांनी आपल्या समाज माध्यमांवरील खात्यांवर शेअर केले आहेत.

हे ही वाचा:

मराठा मोर्चापूर्वी १५ जूनला ओबीसी मोर्चा

काँग्रेसला मोठा धक्का; जितिन प्रसाद भाजपात

मुळशीमधील कंपन्यांत घुसून पाहणी करु

ठाकरे सरकारची निष्क्रियता; अस्मिता योजनेचा उडाला बोजवारा

तर त्यासोबत टीकास्त्र डागताना राणे म्हणतात, ‘मुंबई महापालिकेच्या आणि बेबी पेंग्विनच्या कामाचे गोडवे गात ट्विट करणारे आणि इंस्टाग्राम पोस्ट करणारे सेलिब्रिटी याबद्दल बोलतील का? असा सवाल राणे यांनी केला आहे. की मुंबई बद्दलचे प्रेम हे मिळणाऱ्या पैेश्याइतके मोठे नाही असा टोला राणे यांनी लगावला आहे.

बुधवार, ९ जुन रोजी मुंबईत पडलेल्या पावसात शहराच्या अनेक भागात दरवर्षीप्रमाणे पाणी साचून जनजीवन विसकळीत झाले. सायन गांधी मार्केट, हिंदमाता, किंग्स सर्कल, वडाळा अशा मुंबईच्या अनेक भागात धुवाधार पावसामुळे पाणी तुंबले होते. यामुळे वाहतूक विस्कळीत होऊन गाड्यांच्या लांबच लांब रांगा लागलेल्या पाहायला मिळाल्या. तर रेल्वेमार्गावर पाणी साचून मध्यरेल्वेचीही वाहतूक विस्कळीत झालेली पाहायला मिळाली. ठाणे ते छत्रपती शिवाजी महाराज स्थानकापर्यंतची रेल्वेसेवा ही बंदही करण्यात आली.

National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा