जम्मू-काश्मीरचे मुख्यमंत्री उमर अब्दुल्ला यांनी रविवारी सांगितले की, काश्मीरमध्ये गोल्फ टुरिझम झपाट्याने वाढत असून यंदा येथे अनेक राष्ट्रीय स्तरावरील गोल्फ स्पर्धांचे आयोजन करण्याची तयारी सुरू आहे.
श्रीनगरमधील रॉयल स्प्रिंग्स गोल्फ कोर्स येथे आयोजित ‘इंडिया गोल्फ कार्निव्हल २०२६’च्या उद्घाटनानंतर माध्यमांशी संवाद साधताना उमर अब्दुल्ला म्हणाले की, काश्मीरचा गोल्फशी ऐतिहासिक संबंध असून येथे जागतिक दर्जाच्या सुविधा उपलब्ध आहेत.
ते म्हणाले, “देशातील सर्वात सुंदर गोल्फ कोर्सचा विचार केला तर श्रीनगर, गुलमर्ग आणि पहलगाम येथील गोल्फ कोर्स सहज त्या यादीत स्थान मिळवू शकतात.”
मुख्यमंत्र्यांनी सांगितले की, सरकार एका बाजूला स्थानिक गोल्फपटूंना प्रोत्साहन देत आहे, तर दुसऱ्या बाजूला गोल्फच्या माध्यमातून जम्मू-काश्मीरमधील पर्यटन अधिक मजबूत करण्यावर भर दिला जात आहे.
ते म्हणाले, “हा टूर्नामेंट काश्मीरमध्ये गोल्फला चालना देण्याच्या दिशेने आणखी एक महत्त्वाचे पाऊल आहे. स्थानिक खेळाडूंनी पुढे यावे आणि तरुण पिढीनेही या खेळाकडे आकर्षित व्हावे, अशी आमची इच्छा आहे.”
उमर अब्दुल्ला यांनी सांगितले की, या स्पर्धेत देशभरातून आलेल्या १०० हून अधिक गोल्फपटूंनी सहभाग घेतला. यावरून काश्मीर आता गोल्फप्रेमींसाठी वेगाने पसंतीचे ठिकाण बनत असल्याचे स्पष्ट होत आहे.
ते पुढे म्हणाले की, उत्तर भारतात लाँग वीकेंडच्या काळात अनेक गोल्फपटू केवळ गोल्फ खेळण्यासाठी श्रीनगरमध्ये येत आहेत. त्यामुळे पर्यटन क्षेत्राला मोठा फायदा होण्याची अपेक्षा आहे.
हेही वाचा :
दुर्मिळ पक्ष्यांच्या शोधात गेले… आणि ठरले हंता व्हायरसचे ‘पेशंट झिरो’!
दुर्मिळ पक्ष्यांच्या शोधात गेले… आणि ठरले हंता व्हायरसचे ‘पेशंट झिरो’!
१३ वर्षांत भाजपाचे ७७३ वरून १८०५ आमदार
देशातील सर्वात मोठ्या IPO ची तयारी
मुख्यमंत्र्यांनी सांगितले की, पर्यटन विभाग आणि आयोजकांसोबत समन्वय साधून भविष्यात आणखी मोठ्या गोल्फ स्पर्धांचे आयोजन करण्यात येणार आहे, ज्यामुळे काश्मीरला राष्ट्रीय आणि आंतरराष्ट्रीय गोल्फ नकाशावर भक्कम ओळख मिळेल.
ते म्हणाले, “आमचे ध्येय जास्तीत जास्त गोल्फ स्पर्धा आयोजित करण्याचे आहे, जेणेकरून स्थानिक आणि बाहेरून येणारे खेळाडू एकत्र येथे खेळू शकतील. आमचे गोल्फ कोर्स देशातील सर्वोत्तम गोल्फ कोर्सच्या बरोबरीने कायम राहावेत, हीच आमची इच्छा आहे.”
