टीम इंडियाचा कमबॅक प्लान तयार – एजबेस्टनवर हिसका दाखवण्याची वेळ!

भारत आणि इंग्लंड यांच्यातील पाच सामन्यांच्या कसोटी मालिकेतील दुसरा सामना २ जुलैपासून एजबेस्टन येथे सुरू होणार आहे. पहिला सामना भारताने पाच गड्यांनी गमावला असून मालिकेत ०-१ ने पिछाडीवर आहे. त्यामुळे दुसऱ्या सामन्यात विजय मिळवून भारताला मालिकेत बरोबरी साधायची आहे.

या सामन्यासाठी भारतीय संघात काही बदल होण्याची शक्यता आहे. वेगवान गोलंदाज जसप्रीत बुमराहच्या जागी फिरकीपटू कुलदीप यादवला संधी दिली जाऊ शकते. दुसरीकडे, इंग्लंड संघाने आपल्या प्लेइंग इलेव्हनमध्ये कोणताही बदल केलेला नाही.

एजबेस्टन मैदानावरील खेळपट्टीबाबत बोलायचे झाल्यास, सामन्याच्या सुरुवातीस ती वेग आणि उसळी देणारी असू शकते. त्यामुळे सलामीवीरांसाठी सुरुवातीची षटके आव्हानात्मक ठरू शकतात. पहिल्या दोन दिवसांत ड्यूक चेंडू मुळे जलद गोलंदाजांना मदत मिळेल. तिसऱ्या आणि चौथ्या दिवशी पिच फलंदाजीसाठी अनुकूल होण्याची शक्यता आहे. मात्र चौथ्या आणि पाचव्या दिवशी पिचवर तडे आणि खवखवलेले भाग तयार झाल्यामुळे फिरकीपटूंना मदत होऊ शकते.

हवामानाचा अंदाज पाहता, सामन्याच्या पहिल्या दिवशी पावसाची शक्यता वर्तवण्यात आली आहे. दिवसाची सुरुवात ढगाळ वातावरणात होऊ शकते, मात्र नंतर हवामानात सुधारणा होण्याचा अंदाज आहे. दुसऱ्या दिवशी हलकीस फुलकी धूप-छाया असेल. तिसऱ्या दिवशी ढगाळ वातावरण राहण्याची शक्यता आहे, तर चौथ्या आणि पाचव्या दिवशी पुन्हा पावसाचा व्यत्यय येऊ शकतो.

भारतीय संघ:
अभिमन्यु ईश्वरन, शुभमन गिल (कर्णधार), साईं सुदर्शन, यशस्वी जायसवाल, करुण नायर, नितीश रेड्डी, रवींद्र जडेजा, वॉशिंग्टन सुंदर, शार्दुल ठाकूर, ऋषभ पंत, के.एल. राहुल, ध्रुव जुरेल, मोहम्मद सिराज, जसप्रीत बुमराह, प्रसिद्ध कृष्णा, आकाशदीप, अर्शदीप सिंग, कुलदीप यादव, हर्षित राणा.

इंग्लंडची प्लेइंग इलेव्हन (दुसऱ्या कसोटीसाठी):
जॅक क्रॉली, बेन डकेट, ओली पोप, जो रूट, हॅरी ब्रूक, बेन स्टोक्स (कर्णधार), जेमी स्मिथ (यष्टीरक्षक), क्रिस वोक्स, ब्रायडन कार्स, जोश टंग, शोएब बशीर.