पावसाळा म्हटला की गरमागरम चहा आणि भजी यांची आठवण हमखास येते. थंड वातावरणात अनेकजण दिवसातून चार ते पाच वेळा चहा पितात. मात्र चहा जितका ताजेतवाने वाटतो, तितकाच त्याचा अतिरेक आरोग्यासाठी हानिकारक ठरू शकतो. त्यामुळे पावसाळ्यात चहाचे योग्य प्रमाण राखणे गरजेचे आहे. चहामध्ये कॅफिनचे प्रमाण असते. जास्त प्रमाणात कॅफिन शरीरात गेल्यास झोपेचा त्रास, अस्वस्थता, हृदयाचे ठोके वाढणे आणि चिडचिड यांसारख्या समस्या निर्माण होऊ शकतात. विशेषतः रिकाम्या पोटी चहा पिण्याची सवय असल्यास अॅसिडिटी, गॅस आणि पोटदुखीचा त्रास वाढू शकतो.
तज्ज्ञांच्या मते, निरोगी व्यक्तीने दिवसातून दोन ते तीन कप चहा पिणे योग्य मानले जाते. प्रत्येक कपामध्ये साखरेचे प्रमाणही कमी ठेवणे आवश्यक आहे. जास्त साखर आणि फुल-फॅट दूध वापरून बनवलेला चहा वजन वाढण्यास आणि मधुमेहाचा धोका वाढवण्यास कारणीभूत ठरू शकतो. पावसाळ्यात शरीराची प्रतिकारशक्ती टिकवण्यासाठी आल्याचा, तुळशीचा, दालचिनीचा किंवा लिंबागवताचा (लेमनग्रास) वापर करून बनवलेला हर्बल चहा हा चांगला पर्याय ठरू शकतो. अशा चहामुळे घशाला आराम मिळतो आणि सर्दी-खोकल्याचा त्रास कमी होण्यास मदत होते.
हे ही वाचा:
गडचिरोलीत तीन चिमुकल्यांचा बुडून दुर्दैवी मृत्यू
अभिजीत दिपकेची प्रकृती पुन्हा बिघडली
तरुणांनो, स्वातंत्र्य म्हणजे स्वैराचार नव्हे !
उद्धव ठाकरेंना अभिजित दीपकेच्या लग्नाची काळजी!
चहासोबत तळलेले पदार्थ खाण्याऐवजी भाजलेले हरभरे, सुकामेवा किंवा उकडलेले मका यांसारखे पौष्टिक पदार्थ खाल्ल्यास आरोग्य अधिक चांगले राहते. एकूणच, पावसाळ्यात चहा पूर्णपणे टाळण्याची गरज नाही, पण त्याचे प्रमाण आणि पिण्याची वेळ याकडे लक्ष देणे आवश्यक आहे. संतुलित आहार, पुरेसे पाणी आणि योग्य प्रमाणातील चहा यामुळे पावसाळ्यातही आरोग्य उत्तम ठेवता येते.
