मुंबई इंडियन्स आणि गुजरात टायटन्स यांच्यातील एलिमिनेटरमध्ये मुंबईने २० धावांनी विजय मिळवला आणि क्वालीफायर-२ मध्ये आपली जागा सुनिश्चित केली. मुंबई पुढील सामना १ जून रोजी पंजाब किंग्सविरुद्ध खेळणार आहे.
गुजरात टायटन्सच्या सलामीवीर साईं सुदर्शनने दमदार ८० धावांची खेळी केली आणि त्यांनी आयपीएल २०२५ मध्ये एकाच सिजनमध्ये ७५९ धावा करून टॉप-५ सर्वाधिक रन करणाऱ्या फलंदाजांच्या यादीत स्थान मिळवले.
सुदर्शनने १५ सामन्यांत ४९ चेंडूत १ षटकार आणि १० चौकारांसह ८० धावा केल्या. आयपीएलमध्ये साईं सुदर्शनचा सरासरी ५४.२१ आहे. याच सत्रात त्यांने १ शतक आणि ६ अर्धशतकं लगावली आहेत.
सर्वाधिक धावा करणाऱ्यांमध्ये विराट कोहली पहिल्या क्रमांकावर आहे, ज्याने २०१६ मध्ये १६ सामने खेळून ९७३ धावा केल्या होत्या. शुभमन गिल ८९० धावांसह दुसऱ्या, जोस बटलर ८६३ धावांसह तिसऱ्या, तर डेविड वॉर्नर ८४८ धावांसह चौथ्या स्थानावर आहेत.
३० मे रोजीच्या एलिमिनेटरमध्ये मुंबईने ५ विकेट्स गमावून २२८ धावा केल्या. रोहित शर्माने ८१ आणि जॉनी बेयरस्टोने ४७ धावा केल्या. गुजरातसाठी प्रसिद्ध कृष्णा आणि साईं किशोर यांनी प्रत्येकी २ विकेट घेतल्या.
गुजरातने निर्धारित २० ओव्हरमध्ये ६ विकेट्सवर २०८ धावा केल्या. साईं सुदर्शनच्या ८० आणि वाशिंग्टन सुंदरच्या ४८ धावांनंतरही विजय मिळवता आला नाही. मुंबईसाठी ट्रेंट बोल्टने २ विकेट घेतल्या.
आईपीएल २०२५ चा अंतिम सामना ३ जून रोजी अहमदाबादमध्ये आरसीबी आणि विजय मिळवलेल्या संघात होणार आहे.
