राजस्थानमध्ये सीमा सुरक्षा दलाने पाकिस्तानी रेंजरला घेतले ताब्यात!

दरम्यान, पाकिस्तानच्या ताब्यात असलेल्या बीएसएफ जवान पूर्णम कुमार शॉ यांच्याबाबत एक मोठी बातमी समोर आली आहे. मीडिया रिपोर्ट्सनुसार, भारतीय सैनिकाला लवकरच परत आणले जाणार आहे. जवान पूर्णम कुमार शॉ यांच्या पत्नी रजनी आणि त्यांच्या कुटुंबीयांनी फिरोजपूरमधील बीएसएफ कमांडिंग ऑफिसरची भेट घेतल्यानंतर अधिकाऱ्यांनी जवान पूर्णम कुमार शॉ यांच्या सुटकेचे आश्वासन दिले आहे.

२४ व्या बटालियनमधील कॉन्स्टेबल पूर्णम कुमार शॉ यांना २३ एप्रिल रोजी पाकिस्तान रेंजर्सनी पकडले होते. ते फिरोजपूर जिल्ह्यातील आंतरराष्ट्रीय सीमा चुकून ओलांडून पाकिस्तानी हद्दीत पोहोचले होते. तेव्हापासून त्यांना परत आणण्यासाठी सतत प्रयत्न सुरू आहेत. दरम्यान, पाकिस्तानच्या सोशल मीडिया हँडलने पूर्णमचे काही फोटो प्रसिद्ध केले होते, ज्यामध्ये ते डोळ्यांवर पट्टी बांधलेल्या अवस्थेत दिसत होते.

हे ही वाचा : 

दरम्यान, या घटनेनंतर, बीएसएफने आपल्या कर्मचाऱ्यांना कडक सूचना जारी केल्या आहेत, ज्यामध्ये कर्तव्यावर असताना अधिक दक्षता घेण्याचे आवाहन केले आहे. विशेषतः भारत आणि पाकिस्तानमधील वाढत्या तणावाच्या पार्श्वभूमीवर. जवानांना अतिरिक्त सावधगिरी बाळगण्यास आणि गस्त घालताना अनवधानाने सीमा ओलांडू नये असे सांगण्यात आले आहे. अधिकाऱ्यांच्या म्हणण्यानुसार, सीमेवर शेतात काम करणाऱ्या शेतकऱ्यांनाही सतर्क राहण्यास सांगण्यात आले आहे.