पंजाबमधील अमृतसरमध्ये गुप्तपणे आंतरराष्ट्रीय सीमा ओलांडल्याबद्दल बीएसएफच्या जवानांनी एका पाकिस्तानी घुसखोराला गोळ्या घालून ठार केले असल्याची माहिती बीएसएफच्या जनसंपर्क अधिकाऱ्यानी दिली. पाक घुसखोराचा मृतदेह रामदास पोलीस ठाण्यात सोपविण्याची कायदेशीर औपचारिकता पार पाडली जात आहे, असे पीआरओ यांनी सांगितले आहे.
३ मार्च २०२५ रोजी सकाळच्या वेळी सतर्क असलेल्या बीएसएफ जवानांनी एका पाकिस्तानी घुसखोराची संशयास्पद हालचाल पाहिली. त्याने आंतरराष्ट्रीय सीमा ओलांडली आणि सीमा सुरक्षा कुंपणाजवळ येण्यास सुरुवात केली.
सजग असलेल्या बीएसएफच्या जवानांनी घुसखोराला ताबडतोब आव्हान दिले. परंतु त्याने आपली प्रगती थांबवली नाही आणि सीमेवरील सुरक्षा कुंपणाकडे पळू लागला. त्याचा आक्रमक हावभाव लक्षात घेऊन कर्तव्यावर असलेल्या जवानांनी स्वसंरक्षणार्थ पुढे येणाऱ्या घुसखोरावर गोळीबार केला आणि त्याला जागेवरच ठार केले.
हेही वाचा..
अखेर धनंजय मुंडे यांनी दिला राजीनामा
मुख्यमंत्री देवेंद्र फडणवीसांच्या आदेशानंतर मंत्री धनंजय मुंडे राजीनामा देणार
बैठकीत झालेल्या बाचाबाचीनंतर ट्रम्प यांनी युक्रेनची लष्करी मदत थांबवली
रोहित पवारांपेक्षा अंकुश चौधरी बरा!
परिसराची काळजीपूर्वक झडती घेतली असता त्याच्या ताब्यातून एक मोबाईल फोन जप्त करण्यात आला, असेही जनसंपर्क अधिकाऱ्यांनी सांगितले. दक्ष आणि कर्तव्यदक्ष बीएसएफ जवानांनी सीमेपलीकडून भारतीय हद्दीत घुसखोरी करण्याचा हा सीमेपलीकडील दहशतवादी सिंडिकेटचा नापाक हेतू पुन्हा एकदा यशस्वीपणे हाणून पाडला, असे पीआरओ यांनी सांगितले.
