संदेशखाली ईडी हल्ला प्रकरणात मोठी घडामोड घडली असून, पश्चिम बंगाल पोलिसांनी मुख्य आरोपी शेख शाहजहानच्या निकटवर्तीय असलेल्या तृणमूल काँग्रेसच्या दोन वरिष्ठ महिला नेत्यांना अटक केली आहे. मंगळवारी रात्री कोलकात्याजवळील दक्षिण २४ परगणा जिल्ह्यातील सोनारपूर/नरेंद्रपूर भागातून या अटक करण्यात आल्या.
अटक करण्यात आलेल्या तृणमूल नेत्यांची नावे सबिता रॉय आणि मिथू सरदार अशी आहेत. सबिता रॉय या बशीरहाट संघटनात्मक जिल्हा टीएमसी महिला आघाडीच्या अध्यक्षा तसेच संदेशखाली-१ पंचायत समितीच्या सभापती आहेत. मिथू सरदार या संदेशखली-१ ब्लॉक टीएमसीच्या अध्यक्षा असून त्याच पंचायत समितीत कार्यकारी अधिकारी पदावर कार्यरत आहेत.
पोलिसांच्या माहितीनुसार, संदेशखाली भागात नवीन सरकारकडून कडक पोलिस मोहीम आणि कारवाई सुरू होताच अटकेच्या भीतीने या दोन्ही नेत्या पळून गेल्या होत्या. मोबाईल टॉवर लोकेशनच्या आधारे संदेशखालीच्या न्यात पोलिस ठाण्याचे पोलिस आणि स्थानिक गुप्तचर विभागाने मंगळवारी उशिरा रात्री दक्षिण २४ परगण्यातील नरेंद्रपूर पोलिस ठाणे हद्दीत संयुक्त छापा टाकला.
हे ही वाचा:
सलग दुसऱ्या दिवशी चांदीच्या दरात मोठी घसरण
मोदींच्या ‘मेलोडी’ गिफ्टचा गोड परिणाम
सोन्या-चांदीच्या दरात मोठी घसरण
पंतप्रधान मोदींकडून मेलोनी यांना ‘मेलोडी’ची भेट
तिथे लपून बसलेल्या सबिता रॉय आणि मिथू सरदार यांना अटक करण्यात आली. तपास अधिकारी बुधवारी या दोन्ही नेत्यांना कडक पोलिस बंदोबस्तात बशीरहाट उपविभागीय न्यायालयात हजर करून त्यांची पोलिस कोठडी मागणार आहेत. दोघीही शेख शाहजहानच्या जवळच्या सहकाऱ्यांपैकी असल्याचे सांगितले जात असून ईडी पथकावर झालेल्या हल्ल्यात त्यांचा सहभाग होता. या हल्ल्यातील त्यांच्या भूमिकेचा पोलिसांकडून तपास सुरू आहे.
ही अटक ५ जानेवारी २०२४ रोजी घडलेल्या हिंसक घटनेशी संबंधित आहे. त्या दिवशी अंमलबजावणी संचालनालय अधिकारी, केंद्रीय दलांसह, बहुकोटी रेशन घोटाळ्याच्या तपासासाठी संदेशखलीतील शेख शाहजहानच्या निवासस्थानी गेले होते. त्यावेळी मोठ्या जमावाने ईडी पथकावर हल्ला केला होता, ज्यात अनेक अधिकारी जखमी झाले. हल्ल्यादरम्यान शाहजहानच्या समर्थनार्थ घोषणाबाजी करण्यात आली होती आणि छाप्याला अडथळा आणण्यासाठी हा हल्ला पूर्वनियोजित असल्याचे सांगितले गेले होते.
पोलिस सूत्रांनुसार, या दोन महिला नेत्यांनी जमाव गोळा करण्यात आणि परिस्थिती चिघळवण्यात महत्त्वाची भूमिका बजावली होती. काही काळापासून त्यांची चौकशी सुरू होती. विशिष्ट गुप्त माहितीनंतर न्यात पोलिस ठाण्याच्या अधिकाऱ्यांनी कारवाई करून दोघींना चौकशीसाठी पोलिस ठाण्यात आणले.
तपास अधिकारी हल्ल्याचे नियोजन, इतरांचा सहभाग आणि व्यापक संघटित कारवायांशी असलेल्या संभाव्य संबंधांबाबत त्यांची चौकशी करत आहेत. २०२१ च्या विधानसभा निवडणुकांनंतर झालेल्या हिंसाचारात सहभाग आणि परिसरात अशांतता निर्माण केल्याचे अतिरिक्त आरोपही या दोघींवर आहेत.
संदेशखलीशी संबंधित जमीन बळकावणे, लैंगिक छळ आणि रेशन गैरव्यवहार यांसारख्या विविध प्रकरणांच्या तपासादरम्यान ही कारवाई झाली आहे. स्थानिक महिलांच्या मोठ्या आंदोलनानंतर फेब्रुवारी २०२४ मध्ये शेख शाहजहानला अटक करण्यात आली होती.
