30 C
Mumbai
Thursday, March 28, 2024
घरराजकारणसेहवागने विरोधकांना भिरकावले सीमापार; अदानीप्रकरणी केले महत्त्वाचे विधान

सेहवागने विरोधकांना भिरकावले सीमापार; अदानीप्रकरणी केले महत्त्वाचे विधान

परखड बोलण्यासाठी सेहवाग ओळखला जातो

Google News Follow

Related

वीरेंद्र सेहवाग हा तडाखेबंद क्रिकेट खेळण्यासाठी म्हणून ओळखला जातो. क्रिकेटच्या बाहेरही त्याच्या वक्तव्यातून चौकार षटकार बरसतात. आता थेट त्याने गौतम अदानी यांच्या समर्थनार्थ पोस्ट करत विरोधकांना सीमापार भिरकावून दिले आहे.

वीरेंद्र सेहवागने म्हटले आहे की, गोऱ्या लोकांना भारताची प्रगती बघवत नाही. भारताच्या शेअर मार्केटवर करण्यात आलेला हल्ला हा सुनियोजित कट आहे. पण असे प्रयत्न कितीही केले तर प्रत्येकवेळेस भारत हा प्रखरतेने उजळून निघेल.

सेहवागने २०१५मध्ये आपल्या ३७व्या वाढदिवशी क्रिकेटमधून निवृत्ती घेतली होती. एक तडाखेबंद सलामीवीर म्हणून त्याची ख्याती होती. कसोटी, वनडे तसेच टी-२० क्रिकेटमध्ये त्याने आपल्या खेळाची कमाल दाखवून दिली.

सेहवाग हा नेहमीच सोशल मीडियावर आपल्या फटकळ आणि परखड बोलण्यामुळे ओळखला जातो. २०१६मध्ये त्याने ५०० आणि १००० रुपयांच्या नोटांवर आणलेल्या बंदीची तारीफ केली होती. योग्य पाऊल मोदी सरकारने उचलल्याचे त्याने म्हटले होते.

हे ही वाचा:

कुठला शिवसंवाद हा तर स्वसंवाद!

भूकंपग्रस्त तूर्कीला मदत करण्यासाठी भारत धावला

वंदे भारतने कसारा घाटात इंजिनाला दाखवला कात्रजचा घाट

स्वतःचे नाव बदलून हिंदू मुलीचे केले धर्मांतर

सध्या गौतम अदानी यांच्या उद्योगसमुहाचे शेअर्स प्रचंड घसरले आहेत. अमेरिकास्थित हिंडेनबर्ग कंपनीने अदानी उद्योगसमुहात घोळ असल्याचा एक अहवाल प्रसिद्ध केला होता. त्यामुळे अदानी उद्योगसमुहाला त्याची झळ पोहोचली. त्यावरून आता भारतातील विरोधक हे या प्रकरणाची संसदेत चर्चा व्हायला हवी अशी मागणी करत आहेत.

दरम्यान, अदानी उद्योगसमुहाने आपल्या ४१३ पानी अहवालात हे सगळे आरोप खोडून काढले असून असा अहवाल तयार करण्यामागे एक षडयंत्र असल्याचा दावा केला आहे.

नॅथन अँडरसन यांच्या हिंडेनबर्ग कंपनीने हा अहवाल प्रसिद्ध केला होता. त्यानंतर भारतातील रिझर्व्ह बँक तसेच सेबीने यासंदर्भात आपण लक्ष ठेवून आहोत आणि गुंतवणूकदारांच्या हिताचा विचार आम्ही करू असे आश्वासन दिले आहे.

spot_img

लेखकाकडून अधिक

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

49,899चाहतेआवड दर्शवा
2,036अनुयायीअनुकरण करा
144,000सदस्य यादीसदस्य व्हा

इतर नवीनतम कथा