भारतामध्ये ५ जी फोन सेगमेंटमध्ये १०० टक्के वाढ

भारतातील स्मार्टफोन बाजारात जानेवारी ते मार्च या तिमाहीत 5G स्मार्टफोन सेगमेंटची हिस्सेदारी ८६ टक्के होती आणि त्यामध्ये वार्षिक आधारावर १४ टक्क्यांची वाढ झाली आहे, असे एका नव्या अहवालात नमूद करण्यात आले आहे. सायबरमीडिया रिसर्च (CMR) च्या अहवालानुसार, ₹८,००० ते ₹१३,००० किंमतीच्या श्रेणीतील 5G स्मार्टफोन सेगमेंटमध्ये १०० टक्के वाढ झाली आहे, ज्यामुळे हे स्पष्ट होते की भारतात किफायतशीर 5G फोनची मागणी झपाट्याने वाढत आहे. 5G स्मार्टफोन मार्केटमध्ये २१ टक्क्यांसह Vivo आघाडीवर आहे, तर Samsung १९ टक्के हिस्सेदारीसह दुसऱ्या क्रमांकावर आहे.

5G आणि AI-रेडी स्मार्टफोनची वाढती मागणी यामुळे प्रीमियम सेगमेंटमध्येही वेगाने वाढ होत आहे. CMR मधील वरिष्ठ विश्लेषक मेनका कुमारी म्हणाल्या, “₹१०,००० किंवा त्यापेक्षा कमी किंमतीच्या 5G स्मार्टफोन सेगमेंटमध्ये २०२५ च्या पहिल्या तिमाहीत वार्षिक आधारावर ५०० टक्क्यांची वाढ झाली आहे. ही गोष्ट ग्राहकांचा किफायतशीर 5G सेगमेंटकडे झुकाव वाढल्याचे दर्शवते. त्यांनी पुढे सांगितले की, शाओमी, पोको, मोटोरोला आणि रिअलमी हे ब्रँड्स या वाढीचे नेतृत्व करत आहेत.

हेही वाचा..

शेपूट वाकडेच, पाकिस्तानकडून पुन्हा शस्त्रसंधीचे उल्लंघन

मल्लिका शेरावतला कोणते पेय देते नैसर्गिक ऊर्जा?

योग : भारताची अमूल्य सांस्कृतिक परंपरा

मुंबईत पुन्हा हिट अँड रन

अहवालानुसार, किफायतशीर स्मार्टफोन सेगमेंटमध्ये वार्षिक आधारावर ३ टक्के वाढ, तर ‘व्हॅल्यू फॉर मनी’ सेगमेंटमध्ये ६ टक्के घट झाली आहे, जी गोष्ट ग्राहक प्रीमियम स्मार्टफोनकडे वळत असल्याचे दर्शवते. अ‍ॅपलने २५ टक्के वार्षिक वाढ नोंदवली असून, कंपनीचा मार्केट शेअर ८ टक्के आहे. यामागील कारण म्हणजे भारतात प्रीमियम स्मार्टफोनची वाढती मागणी आणि अ‍ॅपलच्या रिटेल पोहोचीत झालेली वाढ.

CMR च्या मते, भारतातील स्मार्टफोन बाजारात एक अंकी वाढ (single-digit growth) कायम राहील. CMR चे उपाध्यक्ष प्रभु राम म्हणाले, “पुढील तिमाहींमध्ये भारतातील स्मार्टफोन मार्केटला तीन मुख्य घटक आकार देतील — किफायतशीर 5G सेगमेंटचे मुख्य प्रवाहात येणे, ऑन-डिव्हाइस AI चे वेगाने समावेश होणे आणि पुरवठा साखळीचे स्थानिकीकरण.