युएसमधून अनधिकृत वास्तव्य करत असणाऱ्या भारतीय स्थलांतरितांच्या हद्दपारीवर विरोधकांनी जोरदार निदर्शने केली आहेत. त्यामुळे लोकसभा आणि राज्यसभेचे कामकाज काही काळासाठी तहकूब करावे लागले. संसदेचे कामकाज पुन्हा सुरू होताच विरोधी पक्षाच्या खासदारांनी १०४ भारतीय नागरिकांच्या हद्दपारीवर चर्चेची मागणी केली आणि परराष्ट्र मंत्री एस जयशंकर यांचे निवेदन मागितले आहे.
लोकसभेत विरोधी खासदारांनी घोषणाबाजी केली आणि सभागृहाच्या वेलमध्ये निषेध केला तरीही सभापती ओम बिर्ला यांनी त्यांना व्यत्यय न करण्याचे आवाहन केले. तुमचा मुद्दा सरकारकडे आहे. हा परराष्ट्र मंत्रालयाचा विषय आहे. हा विषय दुसऱ्या देशाशी संबंधित आहे. सरकारने त्याची दखल घेतली आहे, असे ओम बिर्ला म्हणाले.
हेही वाचा..
दंतेवाडात पाच महिलांसह सहा माओवाद्यांचे आत्मसमर्पण !
विद्यार्थिनीवर तिघा शिक्षकांकडून बलात्कार
पाकचे पंतप्रधान म्हणतात, काश्मीरसह सर्व प्रश्न भारताशी चर्चेद्वारे सोडवायचेत
तत्पूर्वी, काँग्रेस खासदार केसी वेणुगोपाल यांनी या विषयावर चर्चा करण्यासाठी लोकसभेत स्थगन प्रस्ताव मांडला. डोनाल्ड ट्रम्प प्रशासनासोबत गुंतण्यासाठी उचलल्या जाणाऱ्या राजनैतिक पावलांची रूपरेषा केंद्राला द्यावी, असे या प्रस्तावात म्हटले आहे.
