राहुल गांधींच्या तोंडी गुंडाची भाषा!

भारतीय जनता पक्षाचे प्रवक्ते प्रदीप भंडारी यांनी बुधवारी (२९ ऑक्टोबर ) काँग्रेस खासदार राहुल गांधी यांच्या ‘पंतप्रधान मोदी मतांसाठी नाचतील’ या वक्तव्यावर प्रत्युत्तर देत त्यांना ‘स्थानिक गुंड’ म्हटले. भंडारी यांनी आरोप केला की, राहुल गांधी यांनी त्यांच्या वक्तव्याने मतदारांची थट्टा केली आहे आणि गरिबांचा अपमान केला आहे.

एक्सवरील पोस्टमध्ये त्यांनी लिहिले की, “राहुल गांधी ‘स्थानिक गुंडा’ सारखे बोलतात. राहुल गांधी यांनी भारतातील आणि पंतप्रधान नरेंद्र मोदींना मतदान करणाऱ्या बिहारमधील प्रत्येक गरिबाचा उघडपणे अपमान केला आहे. राहुल गांधींनी मतदारांची आणि भारतीय लोकशाहीची थट्टा केली आहे.”

दरम्यान, “जर तुम्ही त्यांना मतांसाठी नाटक करायला सांगितले तर ते करतील. तुम्ही त्यांना काहीही करायला लावू शकता. जर तुम्ही नरेंद्र मोदींना नाचायला सांगितले तर ते नाचतील…” असे राहुल गांधी यांनी पंतप्रधान नरेंद्र मोदींवर टीका करत म्हणाले.

बिहार विधानसभा निवडणुकीच्या प्रचाराची सुरुवात करताना राहुल गांधी महाआघाडीचे मुख्यमंत्रीपदाचे उमेदवार आणि राजद नेते तेजस्वी यादव यांच्यासोबत संयुक्त रॅलीला संबोधित करत होते. त्यांनी पंतप्रधान मोदींवर नोटाबंदी आणि वस्तू आणि सेवा कर लागू करून “सर्व लहान व्यवसाय उद्ध्वस्त केल्याचा” आरोपही केला.

हे ही वाचा : 

दाऊदच्या ड्रग्स नेटवर्कला मोठा हादरा! मुंबईतील ‘डॉन’चा विश्वासू युसूफ चिकनाचा मुलगा दानिश मर्चंट गोवा येथून अटकेत

भारताचा आर्थिक उत्थान उत्पादन क्षेत्राच्या बळकटीवर अवलंबून

‘षटकारांचा बादशहा’ कोण?

‘द ताज स्टोरी’ चित्रपटाच्या प्रदर्शनाचा मार्ग मोकळा

“तुमच्या फोनच्या मागे काय लिहिले आहे ते सांगा. मेड इन चायना. नरेंद्र मोदीजींनी नोटाबंदी आणि जीएसटी लागू करून सर्व लहान व्यवसाय उद्ध्वस्त केले आहेत. तुम्ही जिथे जिथे पहाल तिथे ते मेड इन चायना आहे. आम्ही म्हणतो की ते मेड इन चायना नसावे, ते मेड इन बिहार असावे. मोबाईल, शर्ट, पैंट, हे सर्व बिहारमध्ये बनवले पाहिजे आणि बिहारच्या तरुणांना त्या कारखान्यांमध्ये रोजगार मिळाला पाहिजे. आम्हाला असा बिहार हवा आहे,” असे ते म्हणाले.