31 C
Mumbai
Saturday, November 21, 2026
घरविशेषप्रजासत्ताक दिनी पाकिस्तासह बांगलादेश सीमेवरही हाय अलर्ट!

प्रजासत्ताक दिनी पाकिस्तासह बांगलादेश सीमेवरही हाय अलर्ट!

बीएसएफकडून 'ओपीएस अलर्ट' मोहीम सुरु 

Google News Follow

प्रजासत्ताक दिनी पाकिस्तानच्या सीमेवर हाय अलर्टच्या बातम्या दरवर्षी येत असतात. मात्र, यावेळी बांगलादेशच्या सीमेवरही सतर्कता वाढवण्यात आली आहे. बांगलादेशसोबतच्या तणावपूर्ण संबंधांमध्ये सीमा सुरक्षा अधिक मजबूत करण्यासाठी सीमा सुरक्षा दलाने (बीएसएफ) ‘ओपीएस अलर्ट’ मोहीम सुरू केली आहे. भारत-बांग्लादेश सीमेवर सुरक्षा दक्षता वाढवण्यासाठी ही १० दिवसांची मोहीम राबविण्यात येत आहे. बदलती परिस्थिती आणि सुरक्षेतील आव्हाने पाहता बीएसएफने हे पाऊल उचलले आहे.

बीएसएफने २२ जानेवारी ते ३१ जानेवारी २०२५ या कालावधीत ४,०९६ किमी लांबीच्या भारत-बांगलादेश सीमेवर ‘ओपीएस अलर्ट’ मोहीम राबविण्याचा निर्णय घेतला आहे. या काळात सीमेवरील चौक्यांवर सुरक्षा वाढवण्याबरोबरच गस्त आणि देखरेख वाढवण्यात येणार आहे. बीएसएफच्या अधिकृत निवेदनानुसार, या मोहिमेअंतर्गत प्रत्येक चौकी आणि परिसरात सुरक्षा उपक्रम अधिक तीव्र करण्यात येणार आहेत.

हे ही वाचा : 

मणिपूरमधून प्रतिबंधित कांगलीपाक कम्युनिस्ट पार्टीच्या सक्रीय सदस्यांना अटक

ट्रम्प यांच्या जन्मसिद्ध नागरिकत्व संपुष्टात आणण्याच्या निर्णयावर स्थगिती

दिल्लीत वेचून वेचून काढणार बांगलादेशी!

कुछ तो गडबड है दया ?

बीएसएफचे अतिरिक्त महासंचालक (एडीजी), पूर्व कमांड, रवी गांधी यांनी दक्षिण बंगाल फ्रंटियरला भेट दिली आणि सुरक्षा सज्जतेचा आढावा घेतला. त्यांनी सर्व अधिकाऱ्यांना नदीकाठावर आणि कुंपण नसलेल्या भागात दक्षता वाढविण्याचे निर्देश दिले. या काळात बीएसएफचे जवान सखोल सुरक्षा सराव करतील आणि सीमेवर राहणाऱ्या नागरिकांशी सलोखा कार्यक्रमही आयोजित करतील.

ओपीएस अलर्ट’ मोहिमेदरम्यान बीएसएफ विविध प्रकारच्या सुरक्षा सराव करणार आहे. यामध्ये आपत्कालीन परिस्थितींना तोंड देण्यासाठी कार्यपद्धतींची वैधता तपासणे आणि सीमावर्ती भागात राहणाऱ्या लोकांसोबत सहयोगी कार्यक्रम यांचा समावेश असेल. बीएसएफची धोरणात्मक आणि ऑपरेशनल तयारी आणखी मजबूत करण्यासाठी ही मोहीम महत्त्वाची मानली जात आहे. दरम्यान, यंदाच्या प्रजासत्ताक दिनी प्रमुख पाहुणे म्हणून इंडोनेशियाचे राष्ट्रपती प्रबोवो सुबियांतो उपस्थित राहणार आहेत.
National Stock Exchange
spot_img

प्रतिक्रिया द्या

कृपया आपली टिप्पणी द्या!
कृपया येथे आपले नाव प्रविष्ट करा

The reCAPTCHA verification period has expired. Please reload the page.

आम्हाला follow करा

113,459चाहतेआवड दर्शवा
2,036अनुयायीअनुकरण करा
342,000सदस्य यादीसदस्य व्हा

इतर नवीनतम कथा