अमेरिकेचे माजी राष्ट्राध्यक्ष डोनाल्ड ट्रम्प यांनी नायजेरियामध्ये ख्रिश्चनांच्या हत्या थांबवण्यासाठी लष्करी कारवाई करण्याची शक्यता नाकारलेली नाही. दरम्यान, अबुजा (नायजेरिया) प्रशासनाने जरी अमेरिकेच्या दहशतवादाविरोधी कारवाईचे स्वागत केले असले, तरी त्यांनी “ख्रिश्चन नरसंहार” या आरोपाला फेटाळले आहे. अमेरिकेचे राष्ट्राध्यक्ष ट्रम्प यांनी रविवारी म्हटले की, अमेरिका पश्चिम आफ्रिकेतील नायजेरियामध्ये ख्रिश्चनांच्या कथित लक्ष्यित हत्यांना आळा घालण्यासाठी तिथे सैन्य पाठवू शकते किंवा हवाई हल्ला करू शकते.
‘एअर फोर्स वन’ विमानात प्रवासादरम्यान पत्रकारांनी विचारले की, ते नायजेरियामध्ये लष्करी कारवाईचा विचार करत आहेत का? त्यावर ट्रम्प म्हणाले, “होऊ शकते. ट्रम्प पुढे म्हणाले, “मी अनेक गोष्टींचा विचार करतो. नायजेरियामध्ये विक्रमी प्रमाणात ख्रिश्चनांची हत्या केली जात आहे… ते ख्रिश्चनांना मारत आहेत, आणि आम्ही असे होऊ देणार नाही. ट्रम्प यांची ही प्रतिक्रिया शनिवारी सोशल मीडियावर पोस्ट झालेल्या एका संदेशानंतर आली, ज्यात त्यांनी इशारा दिला होता की, जर नायजेरिया ख्रिश्चनांच्या हत्या थांबवण्यात अपयशी ठरला, तर अमेरिका त्याच्यावर कारवाई करेल.
हेही वाचा..
“पाकिस्तान, चीन अण्वस्त्रांची चाचणी करत आहेत!” ट्रम्प यांचा गौप्यस्फोट
नक्षलवाद संपला, बिहारच्या चोरमाराचे गावकरी करणार मतदान!
विश्वविजेत्या महिला संघाला बीसीसीआयकडून ५१ कोटी
अनिल अंबानींच्या ३००० कोटींच्या मालमत्ता गोठवल्या
अबुजातील अधिकाऱ्यांनी ट्रम्प यांच्या वक्तव्याला तत्काळ नकार दिला आणि स्पष्ट केले की, देशातील हिंसा धार्मिक कारणांनी नाही, तर ती दहशतवाद आणि दरोडे यांविरुद्धच्या लढ्याचा भाग आहे. नायजेरियाच्या परराष्ट्र मंत्रालयाचे प्रवक्ते किमीबी इमोमोटिमी एबिएनफे यांनी अल-जझीराला दिलेल्या मुलाखतीत सांगितले, “आम्हाला आमच्या सध्याच्या सुरक्षेच्या स्थितीचा अभिमान नाही, पण हे म्हणणे चुकीचे आहे की फक्त ख्रिश्चनांना लक्ष्य केले जात आहे — हे सत्य नाही. नायजेरियामध्ये ख्रिश्चनांचा कोणताही नरसंहार होत नाही.”
शनिवारी ट्रम्प यांनी त्यांच्या ट्रुथ सोशल प्लॅटफॉर्मवर नायजेरियाला कठोर इशारा दिला. त्यांनी म्हटले, “अमेरिका नायजेरियाला दिली जाणारी सर्व मदत आणि साहाय्य त्वरित थांबवेल, आणि कदाचित आता अमेरिका त्या ‘कुप्रसिद्ध देशात’ शस्त्रे घेऊन प्रवेश करेल, जेणेकरून या इस्लामिक दहशतवाद्यांचा संपूर्ण नायनाट करता येईल जे हे भयानक अत्याचार करत आहेत.” त्यांनी पुढे सांगितले की, त्यांनी संरक्षण विभागाला ज्याला त्यांनी “डिपार्टमेंट ऑफ वॉर” असे संबोधले संभाव्य कारवाईसाठी सज्ज राहण्याचा आदेश दिला आहे. “जर आम्ही हल्ला केला, तर तो वेगवान, धोकादायक आणि प्रभावी असेल, अगदी तसाच जसा हे दहशतवादी गुंड आमच्या प्रिय ख्रिश्चनांवर हल्ला करतात!”
शुक्रवारी, ट्रम्प प्रशासनाने धार्मिक स्वातंत्र्यावर निर्बंधांचा हवाला देत नायजेरियाला पुन्हा “विशेष चिंता असलेल्या देशांच्या” (CPC) यादीत समाविष्ट केले. व्हाईट हाऊसनं अद्याप असा कोणताही पुरावा सादर केलेला नाही की, नायजेरियामध्ये ख्रिश्चनांवर इतर कोणत्याही जातीय किंवा धार्मिक गटांच्या तुलनेत अधिक अत्याचार होत आहेत. नायजेरिया स्वतःही हा दावा नाकारतो. या यादीतील इतर देशांमध्ये पाकिस्तान, चीन, म्यानमार, उत्तर कोरिया आणि रशिया यांचा समावेश आहे.
