बिहार निवडणुकीपूर्वी ‘बुरख्या’वरून वाद!

काल राजकीय पक्षांनी मुख्य निवडणूक आयुक्त ज्ञानेश कुमार, निवडणूक आयुक्त सुखबीर सिंग संधू आणि विवेक जोशी यांची भेट घेतली. या बैठकीत राजकीय पक्षांनी त्यांच्या रणनीती आणि मागण्या संघासमोर मांडल्या. जेडीयूने एकाच टप्प्यात निवडणुका घेण्याचा सल्ला दिला, तर भाजपनेही एक किंवा जास्तीत जास्त दोन टप्प्यात मतदान घेण्याची मागणी केली. 

बैठकीनंतर माध्यमांशी बोलताना बिहार भाजप अध्यक्ष जयस्वाल म्हणाले, “आम्ही निवडणूक आयोगाला विधानसभा निवडणुका एक किंवा दोन टप्प्यात घेण्याची विनंती केली आहे. टप्प्याटप्प्याने करण्याची गरज नाही. शिवाय, मतदान करण्यासाठी येणाऱ्या महिलांचे, विशेषतः बुरखा घातलेल्या महिलांचे चेहरे, त्यांच्या मतदान कार्डशी जुळवून घेतले पाहिजेत जेणेकरून बनावट मतदान रोखता येईल.”

विरोधी पक्ष राष्ट्रीय जनता दल (RJD) ने या मागणीवर तीव्र टीका केली आहे. आरजेडीचे राज्य प्रवक्ते मृत्युंजय तिवारी यांनी याला राजकीय षड्यंत्र म्हटले आहे आणि ते म्हणाले, “भाजप त्यांच्या जातीय राजकारणाला निवडणूक वळण देऊ इच्छित आहे. मतदार यादी अलिकडेच विशेष सघन सुधारणा (SIR) अंतर्गत अपडेट करण्यात आली आहे. यात कोणताही ओळखीचा प्रश्न नाही, परंतु भाजप अल्पसंख्याक महिलांना लक्ष करून मतपेढीचे विभाजन करण्याचा प्रयत्न करत आहे.”

हे ही वाचा :